ତଥାପି ଚିହ୍ନିଲନି

ତୁମ କାନ୍ଧଧରା

ଠୁକୁରୁ ଠୁକୁରୁ ଚାଲି

କାନ୍ଥଧରା ପାଦଘଷା ଚାଲିଠୁ

ହାତଠେଲା ହ୍ୱିଲ ଚେୟାର ପର୍ଯ୍ୟନ୍ତ

ସବୁ ଦେଖିଛି

ଏଇ ଅଙ୍ଗେନିଭା ଆଖି ଦୁଇଟି l

କ୍ଷଣିକ ପଲକ ପଡ଼େ କି ନା

କେବେ ଜାଣିନି

କୋହଭରା ନିବେଦନରେ

ତୁ ମୋ ଆରମ୍ଭ ତୁ ମୋ ଶେଷର

ଭାରସା ଯୋଗ୍ୟ ପ୍ରତିଶୃତି

ଫଟାବାଦଲ ପରି ଲୁଚିଗଲା ପରେ ବି

ନୀରବ ଯୌବନକୁ

ଆଶ୍ରାକରି ବଞ୍ଚିବାକୁ ହେବ l

ପ୍ରତିଶୃତି ପ୍ରତାରଣରେ ରହିଗଲା ସିନା

ଦୁଃଖ ସମ୍ଭାରରେ ନିଜକୁ ହଜେଇ

ଜୀବନଦୀପ ଅନ୍ଧାରରେ ନିମିଳିତ ପର୍ଯ୍ୟନ୍ତ

ପାଖେପାଖେ ରହିବି

ହେଲେ ଚିହ୍ନିପାରିଲନି

ତୁମ ହାତଗଢା ଜୀବନ ପ୍ରଦୀପକୁ

କାହିଁକିନା, ତୁମେ ବାସ୍ତବତାର ବିଡ଼ମ୍ବନା

ଆଉ ପ୍ରଲୋଭନର ପ୍ରରୋଚନା l