ବିଦାୟ
ବିଦାୟ
ହେ ବିଗତ
ଅପାଶୋରା କରୁଣ କାହାଣୀ
ଅଙ୍ଗେନିଭା ମର୍ମସ୍ପର୍ଶୀ ଦୃଶ୍ୟର ଚେତନା
ଅଲିଭା କୋହଭରା ନିବେଦନ
ଅଚିହ୍ନl ହୃଦୟର ବେଦନା
କେତେଯେ ଦେଖିଛ
କେତେ ନିଭାଇଛ
ସେହି ବିଚିତ୍ରବର୍ଣ୍ଣl ବରଷ ମଧ୍ୟରେ l
କିନ୍ତୁ,
ଶେଷରେ ଦେଖିଥିବା
ବିସୃତ ବିମୋହନ ହୃଦୟସ୍ପର୍ଶୀ ଘଟଣା
କ'ଣ ଲିଭିଯିବ
ସଭିଁଙ୍କ ମାନସପଟ ଆଉ ହୃଦୟ ସିଲଟରୁ l
ରଖେ ହରି ମାରେ କିଏ
ମାରେ ହରି ରଖେ କିଏ
ବଞ୍ଚିବାକୁ ଥିଲେ ମାରିବବା କିଏ !
ତୁମ ଲେଲିହାନ ଗରଳ ଜ୍ୱାଳାରେ ତ
ଜଳିପୋଡି ଯାଇଛି
ଏଇ ନିରୀହ ମଣିଷ
ଭୁଲିଯାଇଛି ନିଜର କଲାକର୍ମ
ଆଉ ଗୁମୁରି ଗୁମୁରି କାନ୍ଦୁଛି
ଦେଖିବାକୁ ନିଜର ଆତ୍ମୀୟ ସ୍ୱଜନ ଲ
କଁଅଳ ନିଷ୍ପାପୀ ଶିଶୁଟା
ଝୁରୁଛି ତା'ର ମାଆର ଚିବୁକ
ଓଠ ଚାପି ପିଇଯାଉଛି
ନିରୋଳା ଗରଳ ଚାହିଁ ଚାହିଁ ନୂଆ ବରଷକୁ l