ଭାଲେଣ୍ଟାଇନ

ପେରେମ ଦିବସ ପାଳିବା ପାଇଁକି

ବାହାରି ପଡିଲି ଆଜି

ସକାଳ ପହରୁ ସଞ୍ଜହେଲା ପଛେ

କେହି ହେଲେନାହିଁ ରାଜି ।

ଯାହାକୁ ଡାକିଲି ମୁହଁ ମୋଡ଼ିଦେଲେ

କା'ସାଥେ କରିବି ପ୍ରେମ

ସମସ୍ତେ କହିଲେ କେଡ଼େ ଅଲାଜୁକ 

ନାହିଁ କି ତୋତେ ସରମ।

ରାତିହେଲା ଯେବେ ଘରକୁ ଫେରିଲି

ମନକଥା ମନେ ମାରି

ଏତିକି ବେଳରେ ଫୋଅନ ଆସିଲା

ଛାତି ଯାଉଥିଲା ଥରି ।

ପଡିଶା ଘରର ଭାଉଜ କହିଲେ

ହଇହେ ଦିଅର ଟୋକା

ସକାଳ ପହରୁ ଖୋଜୁଛି ତୁମକୁ

ଏଯାଏ ମିଳୁନି ଦେଖା ।

ତୁମ ଭାଇ ନାହିଁ ରାତି ହୋଇଲାଣି

ସାଥେ ମୋର ଛୋଟ ପୁଅ

ଡର ମାଡୁଅଛି ଭାଲେଣ୍ଟାଇନ ରେ

ଆମଘରେ ଆଜି ଶୁଅ ।