ଛତା ଦିବସ ଅନୁଚିନ୍ତା
ଛତା ଦିବସ ଅନୁଚିନ୍ତା
ଖରାବର୍ଷା ରକ୍ଷାକାରୀ ନାମ ତାର ଛତା l
ମହାଭାରତେ ବର୍ଣ୍ଣିତ ହୋଇଛି ତା କଥା ll
ଛତ୍ର ପାଦୁକା ଅଟଇ ସୂର୍ଯ୍ୟଙ୍କର ଦାନ l
ଯମଦଗ୍ନୀ ଲଭି ଥିଲେ ରୁଚିକ ନନ୍ଦନ ll
ସତ୍ୟରେ ବାମନ ରୂପେ ଦଣ୍ଡ ଛତ୍ର ଧରି l
ବଳିଦ୍ୱାରେ ଭିକ୍ଷା କଲେ ପ୍ରଭୁ ବ୍ରହ୍ମଚାରୀ ll
ଛତ୍ରପ୍ରାୟ ଗିରି ତୋଳି ଯଶୋଦା ନନ୍ଦନ l
ଗୋକୁଳ ରଖିଲେ ଟେକି ଗିରି ଗୋବର୍ଦ୍ଧନ ll
ଅନନ୍ତ ନାଗ ଢାଙ୍କିଲେ ଛତ୍ରପ୍ରାୟ ହୋଇ l
ବସୁଦେବ ଶିଶୁ କୃଷ୍ଣ ଶିରରେ ମୁଣ୍ଡାଇ ll
ଛତ୍ରପ୍ରାୟ ପାଣ୍ଡବଙ୍କ ପଦେ ପଦେ ରହି l
ପାଞ୍ଚାଳୀ ମାନ ରଖିଲେ ପ୍ରଭୁ ଭାବଗ୍ରାହୀ ll
ସୁବଳ ଗିରିରେ ଦେଖେ ଲଙ୍କାର ରାବଣ l
ଛତ୍ର ମୁକୁଟ ଛିଣ୍ଡିଲା ଘାତେ ରାମବାଣ ll
ରାମ ଅଭିଷେକେ ଛତ୍ରଧାରୀ ପ୍ରିୟଭାଇ l
ଅନିଦ୍ର ଲକ୍ଷ୍ମଣ ଟିକେ ପଡ଼ିଲେ ଢୁଳେଇ ll
ଛତାଧରି କେଣେ ଯାଅ ବରଜୁ କକେଇ l
କଥାଟିଏ ପଚାରୁଛି ଦେବ କି ବତାଇ ll
ମୁଣ୍ଡ ପରେ ନୀଳ ନୀଳ ଏ ବିଶାଳ ଛତା l
ତୁମ୍ଭେ ଜ୍ଞାନୀ କହିଦିଅ କିଏ ତା ନିର୍ମାତା ll
ଆରେ ମୂର୍ଖ ଏହି କଥା ପାରୁନାହୁଁ ଜାଣି l
ତାହାକୁ ନିର୍ମାଣିଛନ୍ତି ସେ ବିଶ୍ୱବିନ୍ଧାଣି ll
ଛତା ଦିବସରେ ଆଜ ଏହି ଅନୁଚିନ୍ତା l
ଜୟ ଜୟ ଜଗନ୍ନାଥ ବ୍ରହ୍ମାଣ୍ଡ କରତା ll