ଲାଇବ୍ରେରୀ
ପ୍ରୋଫାଇଲ୍
ଶୀତୁଆ ସଞ୍ଜ
ଶୀତୁଆ ସଞ୍ଜ
1 min
184
ଶୀତୁଆ ସଞ୍ଜ ରେ ମନେ ପଡିଯାଏ
ଗାଁ ଚୁଲି ମୁଣ୍ଡେ ଜେଜୀ
ଗରମ ଗରମ ନାଲି ଚାହା ସଂଗେ
ମୁଢ଼ି ଦେଇଥିବ ଭାଜି ।।
ଜେଜେ କହୁଥିବେ ଅନିଆ ମାଲୋ
ବାଦାମ ଦିଟା ଭାଜ
ଚାହା ସରିଯିବ ପାଟି ଖୋଜୁଥିବ
ମୁଢ଼ି ରେ ଖଣ୍ଡେ ପିଆଜ ।।
ପାରିବକି ଯଦି ଫୁଲ କୋବି ଟିକେ
ହୁଅନ୍ତା ବେସନ ଛଣା
ତମ ହାତ ବାସେ ମହ ମହ ହୋଇ
ବଜାରୁ ନହେବ କିଣା ।
ମୂରୁକି ହସଟି ଜେଜୀ ହସୁଥିବୁ
କୋଳରେ ଆମକୁ ପୁରେଇ
ଗୋଡ ସେକୁ ଥିବ ନିଆଁ ର ଧାସ୍ ରେ
କହେ ବସୁଥାଆ ଦୂରେଇ ।।
ପାଠ ପଢିବାକୁ ବୋଉ ଡାକ ଛାଡେ
ପଢିବାକୁ ଇଛା ନାହିଁ
ଜେଜେ କହୁଥିବେ ନପଢିଲେ ପାଠ
ଛାଟ ବାଜିଯିବ ଚାଇଁ ।।
ଜେଜୀ କହେ କୋଉ ଓକିଲ ହୋଇବ
ନପଢିଲେ କିସ ହେବ
ମାଇକିନା ଝିଅ ରନ୍ଧା ବଢା ଶିଖୁ
ଶାଶୁ ଘର ଚାଲିଯିବ ।।
ମନେ ପଡି ଗଲେ ପିଲାଦିନ କଥା
ଶୀତ ସଞ୍ଜ ଗଲେ ନଇଁ
ଜେଜୀ ପିନ୍ଧା କାନି କେତେ ଯେ ଆଦର
ଖୋଜିଲେ ମିଳିବ କାହିଁ ।।
