ଲାଇବ୍ରେରୀ
ପ୍ରୋଫାଇଲ୍
ଅକୁହା କଥା..
ଅକୁହା କଥା..
1 min
123
ଅକୁହା କଥାକୁ ହୁଏ ନାହିଁ କହି
ସହିବାଟା ହୁଏ ସାର
ସହିଗଲା ଯିଏ ଜୀବନ ଯୁଦ୍ଧରେ
ହେଇଗଲା ସିଏ ପାର ll
ଜୀବନଟା ନୁହେଁ ସହଜ ସରଳ
ଅଟେ ତ ଜଟିଳ ଅଙ୍କ
କଷୁ କଷୁ ପୁଣି ଭାଗଶେଷ ମିଳେ
କେବେ ଦୁଃଖ କେବେ ସୁଖ ll
ଆଖିର ଲୁହକୁ ଓଠ ପିଯାଏ
କୋହ ରେ ଭରା ଏ ଛାତି
ଅକୁହା ଯନ୍ତ୍ରଣା ରହିଯାଏ ଖାଲି
ହେଇ ଅଫେରା ଅତୀତ ସ୍ମୃତି ll
ଛାତିର କୋହକୁ ଛାତିରେ ଜାବୁଡି
ହସ ରଖିବାକୁ ହବ ଓଠେ
ଝୁଣ୍ଟି ପଡି ପୁଣି ଉଠିବାକୁ ହବ
ଅଜଣା ଶିଉଳି ତୁଠେ ll
ମିଛ ସମ୍ପର୍କର ବେଡି ଧରିଛି ଜାବୁଡି
ସ୍ୱାର୍ଥକୁ ଆରୋହୀ କରି
ଜାଣିବି ତଥାପି ନିଜେ ନିଜକୁ ସେ
ପାରୁନାହିଁ ମୁକ୍ତ କରି
ପାରୁନାହିଁ ମୁକ୍ତ କରି ll
