ରାତି ଓ ଋତୁ
ରାତି ଓ ଋତୁ
ରାତି ଆଉ ଋତୁ ସବୁ
ଏକାପରି ଅମାନିଆ
ଭାରି ଦୁଷ୍ଟ ବଡ଼ ସିଆଣିଆ,
ଅଜଗର ପ୍ରାୟ ଭିଡି
ମିଠା ମିଠା କଥା କହି
ଦେବେ ନାହିଁ ମୋଟେ ଧରା ଛୁଆଁ ।
ପାହିଯାଏ ପଛେ ରାତି
ଖୋଲେ ନାହିଁ ନିଦ ଆଖି
ପାଣିଚିଆ ହୋଇଯାଏ ସ୍ୱପ୍ନ,
ଦିନ ଯାଏ ଗଡି ଗଡି
ଋତୁ ଆସେ ମରି ମରି
ଆସେ ଚିହ୍ନ ପୁଣି ନିର୍ବାଚନ ।
ରହିଯାଏ କାଗଜରେ
ସଙ୍କଳ୍ପ ଘୋଷଣାପତ୍ରେ
ଝାମ୍ପିନିଏ ସୁଖ ତୀର୍ଥକାକ,
ମନରେ ଅନେକ ପ୍ରଶ୍ନ
ତାରାଗଣେ ସାଧାରଣ
ଦିନରେ ଜଳକା ହତବାକ ।
ଗଣ୍ଡେ ଖାଇ ଦଣ୍ଡେ ଜୀଇ
ଆକାଶକୁ ରହେ ଚାହିଁ
ବନ୍ୟା ବାତ୍ୟା ସହେ ଦୁର୍ବିପାକ,
ରାତି ଋତୁ ଏକ କରି
ଛାତିକୁ ପଥର କରି
ଘୂଞ୍ଚେ ନାହିଁ ଗରିବଙ୍କ ଦୁଃଖ ।