ସ୍ମୁତିରେ ସ୍ବପ୍ନ

ଯେତେ ଜାଳିଲେବି ହୁଏନି ପାଉଁଶ,

ଛାତିତଳେ ତୁମ ପ୍ରୀତି…..

ଯେତେ ମାରିଲେବି ସରେନି ଆୟୁଷ,

ଏ ହୃଦେ ସାଇତିଛି ତୁମସ୍ମୃତି ।

ଭୁଲିବା ପାଇଁକି ଯେବେ ଚାହେଁ ମୁଁ ତୁମକୁ,

ମୋର ମନେପଡ଼ କାହିଁ ବେଶୀ…

ତୁମଠୁ ଦୂରେଇ ଦୂରେଇ ଯେତେ ମୁଁ ଯାଉଛି,

ପୁଣି କାହିଁ ମୋ ଭାବନାରେ ଯାଅ ମିଶି ?

କୃତ୍ରିମ ହସକୁ ମୋ ଓଠରେ ସଜେଇ,

ଲୁଚେଇ ରଖିଛି ଲୁହକୁ…..

କେଜାଣି କାହିଁ ସେ ବରଷି ଯାଉଛି,

ଦୂରେ ଦେଖିଲେ ତୁମକୁ ।

ମୋ ଉଦାସ ମନରେ ନିଆଁକୁ ଲଗେଇ,

ତୁମେ କାହିଁ ହୃଦୟକୁ ମୋ ଜାଳୁଛ ?

ନା ଦୂରଇ ଯାଉଛ, ନା ପାଖରେ ରହୁଛ,

କେଜାଣି କ'ଣ ଯେ ମୋ'ଠାରୁ ଚାହୁଁଛ ?

ତୁମରି ପ୍ରେମରେ ମୁଁ ଆଜି ହୋଇଛି କ୍ଷତାକ୍ତ

ଥରେ ଦେଖି ଯାଅ ମୋତେ ଆସି……

ଆତ୍ମା ମୋର କାଳେ ଏ ଦେହ ଛାଡ଼ି ଯିବ,

ଆଉ ଡେରି କରିବନି ବେଶୀ ।

ଦିନ ଥିଲା ସ୍ବପ୍ନ ସଜାଡ଼ିବାରେ ବ୍ୟସ୍ତ ଥିଲି ମୁଁ,

ଏବେ କାର ସ୍ବପ୍ନ ହେଇ ରହିଯିବି…. 

ମୁଁ ଗଲାପରେ ତୁମେ ମୋତେ ଭୁଲିବି ଗଲେ,

ଜାଣିବାକୁ ତୁମ ପାଖରେ କେବେ ମୁଁ ନଥିବି ।

ଆଖିରୁ ତୁମ ଝରାଇବନି କେବେବି ଟିକିଏ ଲୁହ,

ପୋଛିବା ପାଇଁ ଆସି ମୁଁ ପାରିବି ନାହିଁ….

ଭଲପାଏ ଯେଣୁ ଦେଖି ତୁମ ସେ ସଜଳ ଆଖିକୁ,

ଆତ୍ମା ମୋର ଶାନ୍ତି କି ପାଇବ ତହିଁ…..।