ଜାଳୁଛି ଦୀପାଳି

ଜାଳୁଛି ଦୀପାଳି ମନର କୋହରେ

ତୁମ କଥା ଭାବି ନିତି

କେମିତି ବିତାଏ  ବିଜନ ରଜନୀ

ହୃଦୟରେ ଚାପି ତାତି 

ଚିନ୍ତା ଚେତନାରୁ  ଅପସରି ନାହିଁ

ତୁମ ଆଲିଙ୍ଗନ ତୃପ୍ତି 

ଜାଳୁଛି ଦୀପାଳି .......

ବୁଝିଲ ତ ନାହିଁ  ଏକାନ୍ତ ଯାତନା 

ଯାହା ମୁଁ କହିନି ଦିନେ

ଅନ୍ତର କଥାକୁ  ବିଭୁ ପାଦେ ରଖି

ସାଇତିଛି ମନ ପ୍ରାଣେ 

ତୁମେ ମୋ ଈଶ୍ଵର ତୁମେ ମୋ ସିନ୍ଦୂର

ତୁମେ ମୋର ମୁକ୍ତି ଗତି ।

ଜାଳୁଛି ଦୀପାଳି ......

ପାଦରେ ଶିଙ୍କୁଳି  ଆୟୁ ମହାବଳୀ

ତୁମ ସ୍ମୃତି ଲିଭି ନାହିଁ

କେମିତି କହିବି  ତୁମ ଅପେକ୍ଷାରେ

ଦୁଇ ଆଖି ଅଛି ଚାହିଁ ।

ନିଭୃତ କୋଠରୀ ସାକ୍ଷୀ ଏକା ମୋର

ସାଥେ ମୋ ବିରହୀ ଗୀତି 

ଜାଳୁଛି ଦୀପାଳି ......

ସ୍ମୃତି ସିଲଟରେ ଫୁଟି ଉଠେ ଯେତେ

ସ୍ୱପ୍ନଝରା ଚଇତାଳି

ସେଇ ଅନୁଭବ  ଲକ୍ଷେ ଫଗୁଣରେ

ପ୍ରୀତି ରଙ୍ଗ ଦେଲା ବୋଳି

ଅକୁହା ଭାଷା ମୋ ଆନନେ ଲେପିତ

ନିରବେ ବୁଝାଏ ରୀତି ।

ଜାଳୁଛି ଦୀପାଳି .......