ସ୍ବପ୍ନ ଲିଭିଯାଏନା

ଜୀବନର ସବୁ ସ୍ବପ୍ନ ଯେତେ ,କେବେ ପୁରା ହୁଏନା ,

କିଛି ପୁରା ହୁଏ ପୁଣି କିଛି ଭୁଲି ହୁଏନା |

ମନଟା ମଣିଷର ବଡ଼ ଅମାନିଆ ,ସିଏ କିଛି ମାନେନା ,

ନୂଆ ନୂଆ ସ୍ବପ୍ନ ଦେଖେ ,କେବେ ଥକି ଯାଏନା |

ନୂଆ ସ୍ବପ୍ନ ଦେଖି ,ପୁରୁଣାକୁ ସିଏ ଦିଏ ଲୁଚାଇ ,

ଭାବେ ସବୁ ପାଇଯିବ ,ଭାବନାରେ ଦିଏ ନିଜକୁ ହଜାଇ |

ଯେତେ ଚେଷ୍ଟା କଲେ ସେହି ସ୍ବପ୍ନ ଲିଭି ଯାଏନା ,

ଅଧୁରା ସ୍ବପ୍ନ ହୋଇ ,ମନକୁ ସିଏ ଦିଅଇ ସାନ୍ତ୍ୱନା |

ସ୍ବପ୍ନ ଲିଭି ଯାଏନା ଜାଣି ସୁଦ୍ଧା ,ମନ ମାନେନା ,

ଭୁଲି ଯିବାର କେତେ ନାଟକ ରଚି ,କରଇ ବାହାନା |

ଯେବେ କେବେ ଏକା ଏକା ବସି କରଇ ଭାବନା ,

ସବୁ କିଛି ମନେ ପଡେ , ସ୍ବପ୍ନ ଲିଭି ଯାଏନା |

ପିଲାଦିନୁ ଦେଖିଥିବା କେତେ କେତେ ସୁନ୍ଦର ସୁନେଲି ସ୍ବପ୍ନ ,

ସେହି ସ୍ବପ୍ନ ଲିଭି ଯାଏନା ,ବାରମ୍ବାର କରଇ ପ୍ରଶ୍ନ |

ପଚାରେ ସିଏ ଧୀରେ ଧୀରେ ,ଅତି ଦୁଃଖ କାତରେ,

କୁହେ ,ସିଏ ସ୍ବପ୍ନ ଲିଭି ଯାଏନା ,ରହିଥାଏ ମନରେ |

ପଚାରେ ସିଏ ଯଦି ତାକୁ କେବେ ପାଇବାର ନଥିଲା ,

ସିଏ ସ୍ବପ୍ନ ଲିଭି ଯାଏନା ,ତାକୁ କାହିଁକି ଦେଖିଲା |

ପୁଣି କୁହେ ଉଦାସ ହୋଇ ,ଦେଖିବାରେ ନାହିଁ ମନା,

ଅଧୁରା କରି ଛାଡ଼ିଛି କାହିଁକି ?ସ୍ବପ୍ନ ଲିଭି ଯାଏନା |

ମନ ବଡ଼ ଚଞ୍ଚଳ ,ତାକୁ ଦେଉଛି ଖାଲି ଯାତନା,

କେଉଁ ଦୋଷ ସିଏ କରିଛି ? ସ୍ବପ୍ନ ଲିଭି ଯାଏନା |

କେବେ କେବେ ଅଧୁରା ହୋଇ ,ପାଉଛି ସିଏ ଯନ୍ତ୍ରଣା ,

ଏବେବି ପୂର୍ଣ୍ଣତାର ଆଶା ରଖିଛି ,ସ୍ବପ୍ନ ଲିଭି ଯାଏନା |

ଆଶା ଖାଲି ଏବେଯାଏଁ ଆଶାରେ ରହିଛି ,ବାଟ ପାଏନା ,

ସମୟ ସବୁ ଖେଳ ଖେଳୁଛି ,ସ୍ବପ୍ନ ଲିଭି ଯାଏନା |

ସ୍ବପ୍ନ ଲିଭି ଯାଏନା ସତ ,କିନ୍ତୁ ଦେଖା ଦିଏନା,

ଖୋଜିବାକୁ ହୁଏ ତାକୁ ,ସିଏ ଆପେ ଆପେ ଆସେନା |

ସ୍ବପ୍ନ ଲିଭି ଯାଏନା କେବେ ,ରହିଥାଏ ସୁପ୍ତ ହୋଇ ,

ଆଶାର ଅପେକ୍ଷାରେ ରହି ,ସିଏ ପୂର୍ଣ୍ଣ ହେବା ପାଇଁ |