ପାଳିବି ରଜ

ପ୍ରତିକ୍ଷଣେ ମାଗୁଛି ତୁମକୁ ପ୍ରଭୁ

ଅତି ଲୋଭନୀୟ ଗୋଟିଏ ଚିଜ

ସଂସାର ସଉଦା ଦୁନିଆଁ ସଉଦା

ସାରି ନିଏ ମୋତେ ହେ ବ୍ରଜରାଜ।

ଲାଗୁନାହିଁ ମନ ଆଉ ମୋ ଏଠାରେ

ଖୋଜୁଛି ଗୋଟିଏ ସ୍ଥାୟୀ ଠିକଣା

ମାୟାର ଦଉଡ଼ି ଦେଇଣ ଛିଡାଇ

ଯିବାକୁ ଚାହୁଁଛି ମୁକତି ଅଗଣା।

ମାଶାଣୀ ଶାଶୁ ଘରେ ନିଅ ମୋତେ

ପାରିଦିଅ ମୋର କୋକେଇ ସଜ

ବୁଣି ଦିଅ ଖଇ କଉଡ଼ି ମୁଠିଏ

ନୂଆ ବସ୍ତ୍ର ,ଅଳିତାରେ କରିଣ ସଜ।

ସଅଳ ସଅଳ କର ମୋତେ ବିଦା

ମନ ମୋ ଉଛନ୍ନ ହୁଅଇ ଆକ

ଶଙ୍ଖ ହରିବୋଲେ ପଠାଇ ହେ

ମାଶାଣୀ ରେ ଯାଇ ପାଳିବି ରଜ।