ଶାମୁକା ରାଣୀ—୧
ଶାମୁକା ରାଣୀ—୧
ଉତ୍ତାଳ ସାଗର ଉନ୍ମତ୍ତ ତରଙ୍ଗେ
ଚହଲି ଉଠଇ ଶାମୁକା ରାଣୀ ,
ସ୍ୱପ୍ନ ରାଇଜରେ ଉଲ୍ଲସିତ ହୋଇ
ଗର୍ଭରେ ଧରିକି ଅମୂଲ୍ୟ ମଣି ।
ମଣିଷ ବିଶ୍ୱାସ ହଳାହଳ ବିଷ
ଏ କଥା କେବେହେଁ ପାରେନି ଜାଣି ,
ଆତତାୟୀ ପରି ତୀକ୍ଷ୍ମଅସ୍ତ୍ରେ ଚିରି
ମଣିଷ ଲୁଟନ୍ତି ତା ' ମୁକ୍ତାମଣି ।
ଉତ୍ତାଳ ସାଗର ବାଲିରେଣୁ ମଧ୍ୟେ
ନିଃଶବ୍ଦେ କାନ୍ଦଇ ଶାମୁକା ରାଣୀ ,
ସେ ଲୋତକ ବିନ୍ଦୁ ମୁକୁତା ରୂପରେ
କହଇ ବ୍ୟଥାର ଶହେ କାହାଣୀ ।
ଲହୁରେ ଭିଜିଲା ଶାମୁକା ରାଣୀ ସେ
କଣ୍ଟାରେ ଝୁଲଇ ତାହାର ଶରୀ ,
ମୁକ୍ତାମାଳ ହୋଇ ବଦନେ ଶୋଭଇ
ଦୁଃଖରାଶି କିଛି ଦିଏ ପାଶୋରି ।