ହେରାପଞ୍ଚମୀ

ଆଜିତ ହେରାପଞ୍ଚମୀ;

କେଉଁଆଡେ ଗଲେ କାଳିଆ ବଳିଆ,

ଆଉ ତାଙ୍କ ସୁନା ଭଉଣୀ;

ମନରେ ବିଚାରି ଶ୍ରୀମନ୍ଦିର ସାରା ଖୋଜନ୍ତି ସାଗର ଦୁଲଣୀ  

ଆଜିତ ହେରାପଞ୍ଚମୀ ।।

ପାଞ୍ଚଦିନ ହେଲା ଶ୍ରୀମନ୍ଦିର ର ରତ୍ନସିଂହାସନ ମୁକୁଳା,

ଆନନ୍ଦ ବଜାରେ ନାହିଁତ ଗହଳ ଭାବୁଛନ୍ତି ବସି ଚଞ୍ଚଳା;

କେଣେ ଗଲେ ମୋତେ ନଜଣାଇ କରି

ମନ ମୋଟେ ସୁଖ ଲାଗୁନି, ଆଜିତ ହେରାପଞ୍ଚମୀ ।।

ବିମଳା ଙ୍କ ପାସେ ଯାଇ ଦେବୀ ତହିଁ ପଚାରନ୍ତି କିବା ଜାଣିଛ, 

କେଉଁଆଡେ ଗଲେ ନକହି ନପୁଛି ଅବା କାହିଁ ତାଙ୍କୁ ଦେଖିଛ;

ଜନମ ବେଦିକୁ ଲୀଳା ରଚିବାକୁ

ଯାଇଛନ୍ତି ଭାଇ ଭଉଣୀ, ଆଜିତ ହେରାପଞ୍ଚମୀ ।।

ବିମଳାଙ୍କ ଠାରୁ ଫେରିବା ଉପାୟ ମୋହ ଭଷ୍ମ ଘେନି କମଳା,

ବାହାର ହୋଇଲେ କରି ପଟୁଆର ମନ ହେଲା ତାଙ୍କ ଉତଳା;

ଶରଧାବାଲି ରେ ତିନିରଥ ଦେଖି

ଚାହିଁଲେ ସାଗର ଦୁଲ ନେଣୀ; ଆଜିତ ହେରାପଞ୍ଚମୀ ।।

ମୁହଁ ଫଣଫଣ କରି ଠାକୁରାଣୀ ପଚାରନ୍ତି ଆରେ ସେକବ,

କାହିଁ ଗଲେ ତୁମ କାଳିଆ ସାଆନ୍ତ ହରାଇଲେ କି ସେ ବିବେକ;

ଏକାକରି ମୋତେ ଛାଡି ଆସିଛନ୍ତି

କୁହ କହିଲେ ଠାକୁରାଣୀ, ଆଜିତ ହେରାପଞ୍ଚମୀ ।।

ସେବକ ବାପୁଡା ଦ୍ଵର୍ୟର କଳି ମଧ୍ୟେ ଚଞ୍ଚଳ ହୋଇ ଥରହର,

ଜଣାଇଲେ ଯାଇ ଆସିଛନ୍ତି ଦେବୀ ରାଗେ ହୋଇଣ ଜରଜର;

ତହୁଁ ପ୍ରଭୁ ଟିକେ ନିରେଖି ଦେଖିଣ

ତାଙ୍କ ମୁଖୁ ନସ୍ଫୁରଇ ବାଣୀ; ଆଜିତ ହେରାପଞ୍ଚମୀ

ଚାନ୍ଦମୁହଁ ଆଜି ସୁଖି ଯାଇଅଛି ରୋଷ କରି ଦେବୀ ଆସିଛି,

ଭାଇଙ୍କ ସଙ୍ଗରେ ଆସିଲି ଏମିତି କଥା ନପାରିଲି ମୁରୁଛି;

ଯାଅ ଦେବୀ ତୁମେ ଫେରିବି ସହଳେ

ରୋଷ ନକରି ଠାକୁରାଣୀ, ଆଜିତ ହେରାପଞ୍ଚମୀ

ଏହା ଶ୍ରୀମୁଖରୁ ଶୁଣି ଠାକୁରାଣୀ ତମତମ ହୋଇ ରଥର,

କାଠଖଣ୍ଡେ ଭାଙ୍ଗି ତରତର ହୋଇ ଫେରିଆସିଲେ ଶ୍ରୀମନ୍ଦିର;

ଭାଳି ହେଉଛନ୍ତି ନୀଳାଦ୍ରି ଗୋସାଇଁ

ତାଠାରୁ ପରିତ୍ରାଣ ନାହିଁ; ଆଜିତ ହେରାପଞ୍ଚମୀ ।।

ଅନେକ ଗଞ୍ଜଣା ସହିବାକୁ ହେବ ବେଳ ମୋହର ଭଲ ନାହିଁ,

ଯାହା ହେଉପଛେ କେମିତିବି ହେଉ ଦେବଯାଇ ତାଙ୍କୁ ମନାଇଁ;

ଘର ସଂସାର ର କଥା ତ ଏ ମୋର

ଆଉତ ବାଟ ନାହିଁ ନାହିଁ, ଅଜିତ ହେରାପଞ୍ଚମୀ ।।