Library
Profile
ହେ ଈଶ୍ବର ତୁମେ କେମିତି ଅଛ
ହେ ଈଶ୍ବର ତୁମେ କେମିତି ଅଛ
1 min
245
ହେ, ଈଶ୍ବର ତୁମେ କେମିତି ଅଛ ?
କହିଦିଅ ଖୋଲି ଯାହାଥିଲା କାଲି
ସବୁ ସତ ସତ ନକହି ମିଛ,
ହେ, ଈଶ୍ବର ତୁମେ କେମିତି ଅଛ ?
ହେ, ଈଶ୍ବର ତୁମେ କେମିତି ଅଛ ?
କେମିତି ସାଧନା କରି ହେ ସର୍ଜ୍ଜନା
ଦୂରେଇ ଦେଉଛ ଭାବିକି ତୁଚ୍ଛ,
ହେ, ଈଶ୍ବର ତୁମେ କେମିତି ଅଛ ?
ହେ, ଈଶ୍ବର ତୁମେ କେମିତି ଅଛ ?
ଦୁଃଖ କହିବିନି ଆଉ ମୁଁ ତୁମକୁ
ଭକତଟେ ଭାବି ଆସ ମୋ କଚ୍ଛ,
ହେ, ଈଶ୍ବର ତୁମେ କେମିତି ଅଛ ?
ହେ, ଈଶ୍ବର ତୁମେ କେମିତି ଅଛ ?
ନିତି ମୁଁ ମରୁଛି,ନିତି ମୁଁ ଜନ୍ମୁଛି
ଏନ୍ତୁଡି,ମଶାଣୀ ପଛକୁ ପଛ,
ହେ, ଈଶ୍ବର ତୁମେ କେମିତି ଅଛ ?
ହେ, ଈଶ୍ବର ତୁମେ କେମିତି ଅଛ ?
ନର ଦେହେ ଅବା ନାରାୟଣ ଦେହେ
ଅବା ମହାମାରୀ ଭୂତାଣୁ ମ୍ଳେଚ୍ଛ,
ହେ, ଈଶ୍ବର ତୁମେ କେମିତି ଅଛ ?
ହେ, ଈଶ୍ବର ତୁମେ କେମିତି ଅଛ ?
ବାପା,ମାଆ,ଭାଇ ଅଛନ୍ତି କି ନାହିଁ ?
ସବୁ କ'ଣ ଦାରୁ ଦିଅଁରେ ସ୍ବଚ୍ଛ ?
ହେ, ଈଶ୍ବର ତୁମେ କେମିତି ଅଛ ?
