ଭାରି ଦୁଃଖ ଲାଗେ
ଭାରି ଦୁଃଖ ଲାଗେ
ଭାରି ଦୁଃଖ ଲାଗେ
ତୁମ ଠାରୁ ଯେବେ
ଉତ୍ତର ପାଏନା ଖୋଜି
ତୁମ ଅନ୍ତର ରେ
ଏତେ ତାରତମ୍ୟ
କିଏ ଅବା ଅଛି ସୃଜି ।
ତୁମ ମନେ ଖେଳେ
ଆନନ୍ଦ ତରଙ୍ଗ
ସୀମା ସରହଦ ଡେଇଁ
ଦୁଃଖ ର ସାଗରେ
ଆକୁଳେ ଚିତ୍କାରେ
ହାତ ଧରିନିଅ କେହି ।
ସମୟ ର ସ୍ରୋତ
ଉଜାଣି ବହୁଛି
ଓଲଟା ଏ ରୀତିନୀତି
କୁଆର ବସା ରେ
କୋଇଲି ଖୋଜୁଛି
ଜୀବନ ର ଇତିବୃତ୍ତି ।
ଭାରି ଦୁଃଖ ଲାଗେ
ପବିତ୍ର ପ୍ରେମ କୁ
କରାଗଲେ ବିକାକିଣା
ଅଧିକାର ଯେତେ
ଛଡାଇ ନେଇ କି
କଲେ ସ୍ନେହ ପ୍ରେମ ଉଣା ।
ଇଛା ହୁଏ ପୁଣି
ତାଆରି ନାଆଁ କୁ
ଚିରକାଳ ଜପିବାକୁ
ଭାରିଦୁଃଖ ଲାଗେ
ମନ ଝୁରେ ଯେବେ
ତା'ର ସ୍ପର୍ଶ ପାଇବାକୁ ।
ଛକାପଞ୍ଝା ଖେଳେ
ସମୟ ଏଠାରେ
ବନ୍ଦ କରି ତା ଆଖି
ସବୁ ଜାଣିଶୁଣି
ଦୁଃଖେ ଝୁରିମରେ
ଅଧିକ ପାରେନି ଲେଖି ।