ଲାଇବ୍ରେରୀ
ପ୍ରୋଫାଇଲ୍
ବୋଉ
ବୋଉ
1 min
196
ସ୍ନେହ ପ୍ରେମ ସୁଧା ଛଳ
ଉଷ୍ମ ମୋ ବୋଉର କୋଳ
ଅପାସୋରା ତା ଚୁମ୍ବନ
ବାତ୍ସଲ୍ୟର ଅନୁବନ୍ଧନ
ଲଳିତ ସୁହାଗ ଭରା
ଅବୟବ ତା'ର ତୋରା
ସତେ ସଞ୍ଜ ଦୀପ ଟିଏ
ଦିକ ଦିକ ଜଳୁଥାଏ
ତା ସହ କେ ହେବ ସରି
ଗାଇବି ତା ଅନ୍ତାକ୍ଷରୀ ।
ରୂପବତୀ ବିଳାସିନୀ
କୋମଳ ଚାରୁ ହାସିନୀ
ଜୀବନ୍ତ ଠାକୁରାଣୀ ମଞ୍ଜୁଳଦେହୀ
ତା ପାଇଁ ହସଇ ଘର
ସୃଷ୍ଟି ହୁଏ ମଧୁଝର
ଆୟୁଷ ଆଶୀଷ ତାର ସବୁରି ପାଇଁ ।
ଛଳ ଛଳ ମଧୁବେଶ
ଅନୁପମ ମୃଦୁହାସ
ଜାୟା ଜନନୀ ଭଗିନୀ ତନୁବଲ୍ଲରୀ
ଆମ ଘର ଠାକୁରାଣୀ
ସୁଧା ସଞ୍ଜିବନୀ ବୁଣି
ମଧୁର ମମତା ଭରା ଭାଷା ତାହାରି ।
ପଳ ପଳ ମମତାରେ
ଅନାବିଳ ମାତୃତ୍ୱରେ
ଜୀବନବିନ୍ଦୁ ରେ ଆମ
ରହିଛି ତାହାରି ତ୍ୟାଗ
ମୋ ଶରୀର ପ୍ରାଣବାହୀ
ମମତାର ଭରା ନଈ
ତା ବିନୁ କେ ଆନ ନାହିଁ
ମୋ ପାଇଁ କଲ୍ୟାଣଦାୟୀ
ଦେବୀ ପ୍ରତିମା ସେ ପୁଣି
ତା ପାଦ ମୋ ତୀର୍ଥଭୂମି ।
ନାହିଁ ବୋଲି ମୋ ପାଶେ
ଝୁରୁଛି ମୁଁ ଅବଶୋଷେ
ଦେଖନ୍ତି କି ତାକୁ ଥରେ
ପଚାରନ୍ତି ଗଲୁ କେଣେ
ଭିଡି ମୁଁ ଧରନ୍ତି ବାହୁ
କହନ୍ତି ବୋଉଲୋ ବୋଉ
ଯା 'ନି ଲୋ ଛାଡି ମୋତେ
ନେହୁରା ହେଉଛି ତୋତେ ।
