ଏ ବର୍ଷ

ଏ ବର୍ଷ ଶ୍ରାବଣ ଯେତିକି ବର୍ଷିଲା

    ସେତିକି ଲୁହ ମୋ ଠାରେ

ତଥାପି ଟାଙ୍ଗରା ପଡିଅଛି ଭୂଇଁ

    ଭିଜିବ କା' ଲୁହ ଧାରେ ।।

ଏ ବର୍ଷ ମୋ ପ୍ରିୟା ଯେତେ ପ୍ରେମ କଲା

    ସେତିକି ଦୁଃଖ ମୋ ଠାରେ

ତଥାପି ତା ମାନ ପାରିଲିନି ବୁଝି

    କହିବି କାହାକୁ ବାରେ ।।

ଏ ବର୍ଷ କରୋନା ଯେତେ କନ୍ଦାଇଲା 

    ସେତିକି କୋହ ମୋ ଠାରେ

ତଥାପି ଡରିନି ଜୀଇଁବା ଶିଖିଛି

    ତୁଣ୍ଡି ବାନ୍ଧି ମୁହଁ ପରେ ।।

ଏ ବର୍ଷ ବଜାର ଯେତେ ଦର କଲା

    ତେଲ,ଲୁଣ,ଡାଲି ପରେ

ତଥାପି ସଉଦା ହାଟ ମୁଁ କରିଛି

    ଏଇ ପେଟ ଚାଖଣ୍ଡରେ ।।

ଏ ବର୍ଷ ମନ୍ଦିରେ ଯେତେ ତାଲା ଥିଲା

    ସେତିକି ମୋ ଘର ଠାରେ

ତଥାପି ଦର୍ଶନ କରିଛି ଠାକୁରେ

    ମୋ ଅନ୍ତର ମୋ ଆତ୍ମାରେ ।।

ଏ ବର୍ଷ କାହାଣୀ ଯେତେ ଲେଖାହେଲା

    ଜନ୍ମ ମୃତ୍ଯୁ ପଞ୍ଜିକାରେ

ତଥାପି ସରୁନି ଶେଷ ଅଙ୍କ ଦୃଶ୍ଯ

    କରୋନା ବି ନେପଥ୍ଯରେ ।।