ତୁମକୁ ମୁଁ କରୁଛି ସ୍ୱାଗତ
ତୁମକୁ ମୁଁ କରୁଛି ସ୍ୱାଗତ
ତୁମକୁ ମୁଁ କରୁଛି ସ୍ୱାଗତ....
ହେ ମୃତ୍ୟୁ ,
ତୁମକୁ ମୁଁ କରୁଛି ସ୍ୱାଗତ
ତୁମେ ସତ୍ୟ ତୁମେ ତ ଶାଶ୍ୱତ
ତୁମର ସେ ଶୀତଳ ସ୍ପର୍ଶରେ
ଥରେ ମୋତେ କର ଆଲିଙ୍ଗନ
ଲୋଡାନାହିଁ ମୋର ଆଉ ଏ ମୋହ ମାୟା
ସଂସାର ବନ୍ଧନ ,
ମୁଁ ଏବେ ନିର୍ଭୀକ ମୋର ଏବେ ନାହିଁ ଆଉ
ଆତଙ୍କିତ ମନ ।
ସଂସାରର ମୋହ ମାୟା ଫାଶ
ମୋତେ ଆଉ କରୁନି ବିବଶ
ମୋ ଉତ୍ତର ବୟସେ
ଏବେ ମୁଁ ସଂମ୍ପୂର୍ଣ୍ଣ ନିଃଶ୍ୱ
ବଞ୍ଚିବାଟା ହେଉଛି ଅସହ୍ୟ
ଯାହା ପାଇଁ ନିତି ଲଢୁଥିଲି ତୁମସହ
ମୋ ପାଇଁ ଆଜି ସେ ଅଦୃଶ୍ୟ ।
ତେଣୁ ହେ ମୃତ୍ୟୁ ,
ହସି ହସି ତୁମକୁ ମୁଁ କରୁଛି ସ୍ୱାଗତ
ଥରୁଟିଏ ତୁମର ସେ ଶୀତଳ ବାହୁ ବନ୍ଧନରେ
ମୋତେ କର କୋଳାଗ୍ରତ
ତୁମକୁ ମୁଁ କରୁଛି ସ୍ୱାଗତ.....।।