ହାୟ ହାୟ ହୋଇ ମରିବ
ହାୟ ହାୟ ହୋଇ ମରିବ
ଜନ୍ମରୁ ଏ ଯାଏ
ସେଇ ଗୋଟିଏ ରୋଗ ମୋର,
ପିଲାବେଳେ ପୁଣି ଏବେ,
ସେ ରୋଗକୁ ନା ଡାକ୍ତର ନା ବଇଦ
ନା ତୁଟୁକା ମୂଳିକା,ନା ଝଡାଫୁଙ୍କା ।
କେଉଁ ଥିରେ ଭଲ ହୁଏନି
ଥାଏ କ୍ଷତାକ୍ତ ଯନ୍ତ୍ରଣା,
ଅସହ୍ୟ ପୀଡା ସାରା ମନକୁ
ପ୍ରତିକ୍ଷଣ କୋରିକୋରି
ଦେଉଥାଏ ଅଦୃଶ୍ୟ କଷ୍ଟ ।
ନା କହିହୁଏ,ନା ଦେଖେଇ ହୁଏ,
ନା ଏଥିରୁ ତ୍ରାହି ଥାଏ
ଅକ୍ଟୋପାସ ପରି ସବୁବେଳେ,
ସବୁସ୍ଥାନରେ ସବୁ ପରିସ୍ଥିତିରେ ତ
ସାରା ଜୀବନ ମୋ ଶରୀରକୁ
କାବୁ କରିଥାଏ ।
ସେ ରୋଗ ଏକା ମୋର ନୁହେଁ,
ମୋ ଭଳି ଏ ସମାଜରେ ପ୍ରାୟ
ଏକ ତୃତୀୟାଂଶ ଲୋକଙ୍କର
ଦେହ, ମନ,ଆତ୍ମା କୁ କାବୁ କରିଦିଏ
ବାହାରି ବାକୁ ଜୁ ନ ଥାଏ ।
ରୋଗର ନାମ ହେଲା ଗରୀବ
ଆଉ ସବୁଠାରୁ ବଡ଼ କଥା
ଏ ଗରିବୀପଣିଆର ସଦା
ଉପହାସ,ଜୁଲମ,ଅତ୍ୟାଚାର ହେଉଥାଏ ।
ଖାଇବାକୁ,ପିନ୍ଧିବାକୁ,ମୁଣ୍ଡ ଗୁଞିବାକୁ,
ଏ ସମାଜରେ ରହିବାକୁ ନଥାଏ ତାର ଅଧିକାର
ଟିଟ୍କାରୀ ମରା ଚାଲେ ସମସ୍ତଙ୍କର
କେତେବେଳେ ସେ ବିଲରେ
ଫୋଲଡ଼ନ ପିଇ ସୁଖନିଦ୍ରା ଯାଇ
ମୋକ୍ଷ ପାଇଯାଏ ତ,
ଆଉ କେତେବେଳେ ବଣଜଙ୍ଗଲରୁ
ବିଷାକ୍ତ ଖାଦ୍ୟ ଖାଇ ଖାଇ ।
ସବୁଥିରୁ ମୁକ୍ତି ପାଇଁ ନିଶା ସେବନ କରେ ତ,
କେତେବେଳେ ତା ଘରର ଇଜ୍ଜତ
ରାଜରାସ୍ତାରେ ନିଲାମ ହୁଏ
କାହାର ଏଥିରେ ଦୋଷ,
ଗରୀବର,ଗରୀବ ପଣିଆର
ସୃଷ୍ଟି ସର୍ଜନା କରିଥିବା ଭଗବାନଙ୍କର,
ନା ଜୁଲମ କରୁଥିବା ବଡ଼ବଡିଆଙ୍କର ।
ଏ ଗରିବ ଶେଷରେ କେମିତି ବଞ୍ଚିବ?
ଏ ଗରୀବକୁ କିଏ ଦୟା କରିବ,
ସେ କଣ କରିବ ।
ଗରୀବ ଶେଷରେ ହାୟ ହାୟ ହୋଇ କଣ ମରିବ ।