ଏକମାତ୍ର ସାଥି

ଯନ୍ତ୍ରଣାର ଅନ୍ୟ ନାମଟି ଜୀବନ

ଉଠାଣି ଗଡାଣି ଥାଏ,

କେତେବେଳେ ପଡେ କେତେବେଳେ ଗଡେ

କହି ତ ନ ପାରେ କିଏ ,

ତଥାପି ଜୀଇଁବା ହୁଏ

ଗଡାଣିର ଦୁଃଖ ନ ସହି ପାରିଲେ

 ଲୁହ ହୋଇ ବହି ଯାଏ ।।

ପାଶେ ପାଶେ ରହି ଆଶ୍ବାସନା ଦେଇ

ବିପଦର ବନ୍ଧୁ ହୁଏ,

ସଭିଏଁ ସ୍ବାର୍ଥରେ ସୁଖବନ୍ଧୁ ସିନା 

ଦୁଃଖରେ ସେ ଠିଆ ହୁଏ,

କାମନା କିଛି ନ ଥାଏ

ଯାତନା କାତରେ କଲବଲ ବେଳେ

ସିଏ ତ ତରଳି ଯାଏ ।।

ପାଶେ ପାଶେ ରହିଥାଏ

ରଙ୍ଗ ପାଉଡ଼ର ସଭିଏଁ ମାଖନ୍ତି

କରୁଥାନ୍ତି ଅଭିନୟ,

ଛଳନାର ମୁଖା ଭାରି ଭଲ ଦିଶେ

ସବୁବେଳେ ଲାଗେ ଭୟ,

ବିନା ଛଳନାରେ ଲୁହ

ଭାରି ଭଲ ଲାଗେ ସବୁବେଳେ ଖୋଜେ

ଦେଖିବାକୁ ତା'ର ମୁହଁ।