ତବ ଆଶ୍ରିତ

କିମ୍ପାଇଁ ଆସିଛି ମରତେ

ପ୍ରଭୁ ନ ଜାଣେ ମୁହିଁ,

ନ ଚିହ୍ନେ କାହାକୁ ଜଗତେ

କିଏ ମୋ ବନ୍ଧୁ ଭାଇ,

ଜାବୁଡ଼ି ଧରିଛି ତୁମକୁ

ପଥ ଦିଅ ବତାଇ,

ପାଶେ ପାଶେ ଥାଅ ମୋହର

ଆହେ ଜଗତ ସାଇଁ ।

ଜାଣିଛି ତୁମକୁ କେବଳ

ଆହେ ଜଗତନାଥ,

ଅନାଥ ଅରକ୍ଷ ରକ୍ଷକ

ତୁମେ ହେ ବିଶ୍ବନାଥ,

ପ୍ରଭାତେ ପ୍ରଭାତୀ ମଙ୍ଗଳ

ଚିନ୍ତେ ସଭିଙ୍କ ପାଇଁ,

ଲୋଡ଼ା ନାହିଁ ଧନ ମୋହର

କୃପାରେ ଥାଅ ଚାହିଁ ।

ଜାଣିଛି ମାୟାରେ ଜଗତ

ହୋଇ ଅଛି ଯେ ବଶ,

ଆହୁରି ଜାଣିଛି ବଶ ଯେ

ତବ ଶ୍ରୀମୁଖ ହସ,

କଳାମୁଖେ ଦୁଇ ନୟନ

ବନ୍ଦୀ ତହିଁ ଜଗତ,

ଏତେ ଆଶା ନାହିଁ ମୋହର

ପାଦେ ସଦା ଆଶ୍ରିତ ।