ଜୀବନ ପଥେ ସତ୍ୟ

କୁନି କୁନି ଶିଶୁ ଆମେ 

        ସତ୍ୟ ପଥେ ଚାଲିବୁ,

ଗୁରୁ ଗୁରୁଜନ ଆଜ୍ଞା

          ଅବଜ୍ଞା ନ କରିବୁ ।

ଜନ୍ମଦାତ୍ରୀ ସତ୍ୟପଥେ

           ଚାଲିବାକୁ କହନ୍ତି,

ଜନ୍ମଦାତା ପିତା ଆମ

          ଧର୍ମ ବାଣୀ ଶୁଣାନ୍ତି ।

ସତ୍ୟପଥେ ଚାଲିବାଟା

           ଅଟେ ବଡ଼ କଠିନ,

 ତଥାପି ଏ ସତ୍ୟପଥ

           ସଦା ସଦ୍ୟ ସୁମନ ।

ଆସୁ ଯେତେ ଦୁଃଖ କଷ୍ଟ

         ସତ୍ୟ ବାଣୀ କହିବା,

ସତ୍ୟର ଆଲୋକ ସ୍ବଚ୍ଛ

         ଶୁଭ୍ର ଜ୍ୟୋତ୍ସ୍ନା ପାଇବା ।।

ସତ୍ୟ ସନାତନ ସତ୍ୟ 

            ଚିରନ୍ତନ ଶାଶ୍ୱତ,

ସତ୍ୟରେ ସଂସାର ଗତି

           ସତ୍ୟରେ ଜୀବନ୍ତ ।

ସ୍ନେହ ଶ୍ରଦ୍ଧା ପ୍ରେମ ମଧ୍ୟେ 

         ଆଦର୍ଶ ପରିବାର 

ଜନମ ମରଣ ମଝିରେ

           ଜୀବନ ସଂସାର ।

 ବିଧାତା ବିଧାନ ଅଟେ

          ଶ୍ରେଷ୍ଠ ଜଗତର,

 ନିରନ୍ତର ଗଡୁଥାଏ

          ଚକ ସମୟର ,

ବୁଝେନା ମଣିଷ ମନ

        ଦର୍ଶନେ ଅନ୍ଧାର ।

  

ବହିଯିବା ପାଣି କହି

          ଦେଇଥିବା କଥା

 ଫେରେନା ଆଉ ସେ ଦିନ 

          ଦେଇଥାଏ ବ୍ୟଥା ।।

ସତ୍ୟରେ ବିଜୟ ଥାଏ

            ପରାଜୟ ନାହିଁ,

ସତ୍ୟେ ସୁଖ ଶାନ୍ତି ମିଳେ

             ଆଶୀଷ ମିଳଇ ।

ସତ୍ୟପଥଟି ଉନ୍ମୁକ୍ତ

           ଅସତ୍ୟେ ବନ୍ଧନ,

ସତ୍ୟ ସୂର୍ଯ୍ୟ ଦିବାଲୋକ 

           ପ୍ରଫୁଲ୍ଲିତ ଏ ମନ ।

ସତ କହିବାକୁ କିଆଁ

          ଡ଼ରିବା ଜୀବନରେ,

 ଜୀବ ଚାଲିଯାଉ ପଛେ

         ସତ୍ୟେ ସଦା ଯିବାରେ ।।