କାଉଡ଼ିଆ ପାଣି
କାଉଡ଼ିଆ ପାଣି
ମନସ୍କାମନା ପୂରଣ ହୋଇଛି
ମନାସି ଥିଲି ମନରେ,କାଉଡ଼ିଆ ବେଶ
ପ୍ରଭୁଙ୍କ ପାଖକୁ କାଉଡ଼ିଆ ପାଣି
ଶ୍ରାବଣର ଅମୃତ ଧାରା
ପ୍ରଭୁଙ୍କୁ କରି ସମର୍ପଣ,ପଶିବି ଶରଣ।
ଏକୁଟିଆ ହିଁ ଯିବି
କାଉଡିଆଙ୍କ ଗହଳି ଭିତରେ ନୁହଁ
ଅଯଥା କୋଳାହଳ, ଉପର ଠାଉରିଆ
ଲୋକ ଦେଖଣିଆ ନାଚ ଗୀତ
ଭକ୍ତି ଆଢ଼ୁଆଳେ ଅଯଥା ଗହଳି।
ମନରେ ଭକ୍ତି ଭାବର ପାଣି
ସେଇ ହିଁ କାଉଡ଼ିଆ ପାଣି
ମନର ଭକ୍ତି ହିଁ ଶ୍ରାବଣର କାଉଡ଼ିଆ ପାଣି
ସେଇ ଭାବ ଭରା ପାଣି ହିଁ,କାଉଡ଼ିଆ ପାଣି
ଶ୍ରାବଣ ମାସରେ
ମନ ଓ ହୃଦୟକୁ ସମର୍ପଣ ହିଁ ,କାଉଡ଼ିଆ ପାଣି।
ଆଉ ଡେରି ନାହିଁ
ମୌସୁମୀ ଆସିଛି ଶ୍ରାବଣୀ ରୂପରେ
ବର୍ଷାର ଛିଟା ବି ପଡ଼ିଲାଣି
କେହି ଆସୁ କି ନ ଆସୁ
ଏକୁଟିଆ ହିଁ ଯିବାକୁ ହେବ
ସମର୍ପି ଦେବି ମୋ ଭାବର କାଉଡ଼ିଆ ପାଣି।