ଲାଇବ୍ରେରୀ
ପ୍ରୋଫାଇଲ୍
ବେଦନାର କୋହ।
ବେଦନାର କୋହ।
1 min
209
ଜନ ଗହଳିର କାନଫଟା ଶବ୍ଦ
ଯେବେ କରିଦିଏ ମତେ ବ୍ୟତିବ୍ୟସ୍ତ
ଧାଇଁଥାଏ ଖୋଜିବାକୁ ଆଞ୍ଜୁଳାଏ
ଶାନ୍ତିର ମଉନ ଫୁଲ ll
ତମ ନିଃଶ୍ୱାସର ଖର ଉତ୍ତାପ
ତତାଇଦିଏ ଯେବେ ସମଗ୍ର ଶରୀର
ଖୋଜୁଥାଏ ପୋଖରୀ ପଠାର ପଥୁରିଆ ପାହାଚ
ଛୁଇଁବାକୁ ପାଣିର ଧାର ll
ଛଳନାର ଉଚ୍ଛୁଳା ଉର୍ମି
କରିଦିଏ ଯେବେ ଆର୍ଦ୍ର ମୋ ଚକ୍ଷୁ ଚର୍ମର
ଲୁଚାଇଦିଏ ମୋ ନିଷ୍ପ୍ରଭ ମୁହଁ
ଢ଼ୋକିବାକୁ କଷ୍ଟ ଯନ୍ତ୍ରଣାର ll
ହସର ଉଦ୍ଧତ ଜୁଆର
ଯେବେ ଦେଖେ ନାହିଁ ଓଦା ଆଖିର ଲୁହ
ଖୋଜୁଥାଏ ବିଜନ ବେଳା
ପିଇବାକୁ ବେଦନାର କୋହ ll
