ଲାଇବ୍ରେରୀ
ପ୍ରୋଫାଇଲ୍
ମିଳୁନାହାନ୍ତି ଆଜ୍ଞା
ମିଳୁନାହାନ୍ତି ଆଜ୍ଞା
1 min
181
କଥାରେ କହନ୍ତି
ଜାଣିଗଲେ ବୁଝିଗଲେ ଜ୍ଞାନ
ଗୁରବେ ବଦନ୍ତି
ପ୍ରୟୋଗ କଲେ ବିଜ୍ଞାନ
ବିଶ୍ଵହିତେ ମଙ୍ଗଳକାରୀ ପ୍ରଜ୍ଞାନ
କୌଶଳେ ଯନ୍ତ୍ର ଅଭିଧାନ ବିଜ୍ଞାପନ
ଇଂଜିନିୟର ହାତେ
ସ୍ୱୟଂ ବିଶ୍ଵକର୍ମା ଦେଇଛନ୍ତି
ପ୍ରଯୁକ୍ତି ଉଦ୍ୟମିତା ଆହ୍ଵାନ ll
କୁଶଳୀ ଇଂଜିନିୟର ଟେ ଲୋଡ଼ା
ମିଳୁନାହାନ୍ତି ଆଜ୍ଞା
ମଣିଷ - ମଣିଷକୁ ଯୋଡେଇ
ପୋଲ ନିର୍ମାଣ କରିବାର ଅଛି
ଯେମିତି ନଦୀ ଉପରେ
ବାଉଁଶକୁ ବାଉଁଶ ଯୋଡେଇ
ଶଙ୍ଖ-ପୁଲ ହେଉଥିଲା ଆଗରୁ
ଆଖି କୋଣରୁ ଝରୁଥିବା ଲୁହ ମାନଙ୍କୁ
ରୋକେଇ ବନ୍ଧେଇ ରିଜରଭିୟର
ତିଆରି କରିବାର ଅଛି ଯେମିତି
ବୁର୍ଲାରେ ଅଛି ହୀରାକୁଦ ବନ୍ଧ
ମହାନଦୀ ପାଣିକୁ
ଜବାହର ସାଗର ଭିତରେ
କରାଯାଇଛି ଅବଦ୍ଧ ।
ଜ୍ଞାତି କୁଟୁମ୍ବ ଭିତରେ
କଥା କଟା କଟି
ଛୋଟ ମୋଟ ସମସ୍ୟାକୁ ଗଣ୍ଠି କରି
ପିଟା ପିଟି ଗଙ୍ଗା କହିଲେ ଅଛି
ଗାଙ୍ଗୀ କହିଲେ ୠଷିଛି
ଜଳ ଜଳ ଦିଶୁଥିବା
ଫାଟକୁ ଯୋଡିବାର ଅଛି
ଯେମିତି ସିମେଣ୍ଟ ଫଟା କାନ୍ଥକୁ
ଯୋଡି ଦେଇ ପଲସ୍ତରା ମରେଇ
ଦେଉଛି ଆଜିକାଲି ll
