KRUTIBAS NAYAK

Comedy Inspirational


3  

KRUTIBAS NAYAK

Comedy Inspirational


ହାରିଦେବି ଏ' ଜୀବନ

ହାରିଦେବି ଏ' ଜୀବନ

1 min 146 1 min 146


ଶୁଣ ଶୁଣ ବୁଦ୍ଧିଜୀବୀ ଶୁଣ ପ୍ରଶାସନ,

ଦାଦନ କହିଲେ-ହାରିଦେବି ଏ' ଜୀବନ ।


ଗାଆଁରେ ମୋ ଜମିଅଛି ଧାନ-ମୁଗ ଫଳେ,

ଖୋଜ ବା ନ ଖୋଜ ଏଠି କେତେ କାମ ମିଳେ ।


ବିଦେଶ ବୁଲାର ନିଶା ଘାରିଛି ଆମକୁ,

ଅଧିକ ଆଶାରେ ଆମେ ଛାଡ଼ିଛୁ ଘରକୁ ।


ବଙ୍ଗାଳି ତେଲୁଗୁ ଆସି କରୁଛନ୍ତି କାମ,

ନିଜ ଅଞ୍ଚଳରେ ଲାଗେ ଆମକୁ ସରମ ।


ବୁଦ୍ଧିଅଛି ବଳଅଛି ବିଦେଶ ବୁଲିବୁ,

ଅଳପ ଦିନରେ ଧନୀ ହୋଇଲେ ଫେରିବୁ ।


ପାଠ ସିନା ହେଲା ନାହିଁ କଉଶଳ ଜଣା,

ପାଠୁଆ ଅଫିସରଙ୍କୁ କରୁ ବାଟବଣା ।


କେବେ ଯାଉ କେବେ ଆସୁ କିଏ ଜାଣେ ନାହିଁ,

ଘରକୁ ଫେରିଲେ ଥରେ ଦେଖ ଆମ ଛଇ ।


ଵିପଦବେଳେ କହିବୁ ସରକାର ରଖ,

କେମିତି ଦୁଃଖରେ ଅଛୁ ପ୍ରଶାସନ ଦେଖ ।


କରୋନା ଆତଙ୍କ କାଳେ ଫେରିଥିଲୁ ଘର,

ଭାବିଥିଲୁ ମୋଟା ଧନ ଦେବ ସରକାର ।


ଦାଦନ ଦାଦନ କହି ଘଉଡ଼େଇ ଦେଲେ,

ଅଛୁଆଁ କହି ଏକାନ୍ତ ବାସରେ ରଖିଲେ ।


ଘରେ ପଶିବାକୁ ଘରଲୋକ କଲେ ମନା,

ସବୁ ଆଶା ଭରସା ତ ହେଇଗଲା ଚୂନା ।


ଏଜେଣ୍ଟ ଆମ ଦେବତା ବଡ଼ ବୁଦ୍ଧିମାନ,

ଆଖିରେ ପଟି ବାନ୍ଧିଛି ଜିଲ୍ଲା ପ୍ରଶାସନ ।


ଧରମକୁ ଆଖିଠାର ସବୁନୀତି ମିଛ,

ଆସ ବିଦେଶକୁ ଯିବା ଆଉ କିଏ ଅଛ ।



Rate this content
Log in

More oriya poem from KRUTIBAS NAYAK

Similar oriya poem from Comedy