Library
Profile
ପଡ଼ିଶା କାଞ୍ଜି
ପଡ଼ିଶା କାଞ୍ଜି
ଏଣୁ କାଞ୍ଜି ଗଲା ଖରେ
ଯାଇ ପହଞ୍ଚିଲା ବ୍ରାହ୍ମଣ ଘରେ
ବ୍ରାହ୍ମଣ ଝିଅ ତ ସୁନ୍ଦରୀ ଯୁବା
ନେଇ ପଳେଇଲା କଟିଅା ଧୋବା
କଟିଆ ଧୋବା ଧରେ ଚଢ଼େଇ
ତାର ପଡ଼ିଶା ବାଞ୍ଛା ବଢ଼େଇ ।
ତହୁଁ କାଞ୍ଜି ଗଲା ବଢ଼େଇ ଘରେ
ବଢ଼େଇଆଣି ଦେଖି ଚା କରେ
ବାଞ୍ଛା ବଢ଼େଇ ହାଣେ କାଠ
ତା ପୁଅ ପଢ଼ୁଛି ଓକିଲ ପାଠ
ସହରୁ ଆସିବ ହାକିମ ହେଇ
ତାର ପଡ଼ିଶା ପେଟୁ ପୋଇ ।
ପେଟୁ ପୋଇ ର ପେଟ ବଡ଼
କାଞ୍ଜି ହେଲା ଯାଇ ହଡ଼ବଡ଼
ପେଟୁ ପୋଇ ସ୍ତ୍ରୀ ଖାଏ ଖଇନି
ମୁଖ କର୍କଟ ତା ଜମା ଛାଡ଼ୁନି
ଅଧା ବୟସରେ ହେଲା ମରଣ
ତାର ପଡ଼ିଶା ଯେ ଛେଲା ପାଣ ।
ଛେଲା ପାଣ ବଜାଏ ଢୋଲ
କାଞ୍ଜି ପହଞ୍ଚିକି ହେଲା ବେହାଲ
ମାଡ଼ ଖାଏ ଢୋଲ ପାଣର ଟଙ୍କା
ପକ୍ଷାଘାତ ରୋଗେ ମୁହଁଟି ବଙ୍କା
ପାଲୁଣି ଟାଣୁଛି ବଙ୍ଗାଳୀ ବିଡ଼ି
ତାର ପଡ଼ିଶା ମାଧିଆ ରାଢ଼ି ।
ମାଧିଆ ରାଢ଼ି କୁଟେ ଚୂଡ଼ା
ଇଙ୍ଗିରାଜି କହେ ଥୋଡ଼ା ଥୋଡ଼ା
ତା ପୁଅ ଆଣିଛି ଇଂଲିଶ୍ ବୋହୂ
କାଞ୍ଜିକି ଛାଟିଲା ତତଲା ଜାଉ
ଘାଅା ହେଇଗଲା କାଞ୍ଜି ଚେହେରା
ତାର ପଡ଼ିଶା ଧର ବେହେରା ।
ଧର ବେହେରା ଜାତିରେ ତେଲି
ତେଲ କାଢ଼େ ନିତି ଘଣା ପେଲି
କାଞ୍ଜି ପଶିଗଲା ଠେଲି ପେଲି
ତେଲୁଣି ପିଟିଲା କବାଟ କିଳି
କାଞ୍ଜିକି ତ ହେଲା ରକତ ବାନ୍ତି
ତାର ପଡ଼ିଶା କୁଟୁରୀ ତନ୍ତି ।
କୁଟୁରୀ ତନ୍ତି ବୁଣେ ଲୁଗା
କାଞ୍ଜି ପାଇଲାନି ବସିବା ଜାଗା
ଲୁଗା ବିକି ଯାଏ ବେତଡ଼ା ହାଟ
ଯେତେ ଯାହା କଲେ ପୁରେନି ପେଟ
ତନ୍ତି ଠାରୁ ତନ୍ତିଆଣି ଚାଲାକ
ତାର ପଡ଼ିଶା ବାଉ ନାୟକ ।
<
br>
ବାଉ ନାୟକ ବାଡ଼ିରେ ହାଟ
କାଞ୍ଜିକୁ ଦେଖି ଦେଲା କବାଟ
ବାଡ଼ି ପରିବା ଦାଣ୍ଡରେ ବିକେ
ସଂଜ ହେଲେ ନାଲି ପାଣିରୁ ଟେକେ
ବୁଢ଼ୀ ପଳେଇଲା ବୁଢ଼ାକୁ ଛାଡ଼ି
ତାର ପଡ଼ିଶା କହ୍ନେଇ ହାଡ଼ି ।
କହ୍ନେଇ ହାଡ଼ି କାଢ଼େ ଛାଲ
ଶୁକ କଣ୍ଡରାକୁ କରିଛି ଢାଲ
ଶୁକ କଣ୍ଡରା ତା ପଡ଼ିଶା ଭାଇ
ଖବର ଯୋଗାଏ ମଲା ଗାଈ
କାଞ୍ଜି ଗଲା ନାହିଁ କହ୍ନେଇ ବାସ
ତାର ପଡ଼ିଶା ନଦିଆ ଦାସ ।
ନଦିଆ ଦାସ ବାଡ଼ିରେ ଚାଷ
ଗଞ୍ଜେଇ ଖାଇକି ହଉଛି କାଶ
ଡାକ୍ତର କହିଲେ ଫୁସ୍ ଫୁସ୍ ନାହିଁ
କାଞ୍ଜି ଗଲା ନାହିଁ ତା ଘର ଡେଇଁ
ଆଉ କିଣୁ ନାହିଁ ଗଞ୍ଜା ପୁଡ଼ିଅା
ତାର ପଡ଼ିଶା ରାଧୁ ଗୁଡ଼ିଅା ।
ରାଧୁ ଗୁଡ଼ିଆର ମିଠା ଦୋକାନ
କାଞ୍ଜିକି କରିଲେ ବଡ଼ ସମ୍ମାନ
ଗୁଡ଼ିଆଣି ଦେଇ ଉଖୁଡ଼ା ଖଇ
କାଞ୍ଜିକି କରିଲା ଧରମ ଭାଇ
ଧରମ ଭାଇର ପ୍ରୀତି ମଧୁର
ତାର ପଡ଼ିଶା ଭଜୁ କମାର ।
ଭଜୁଆ କମାର ପକାଇ ଶାଳ
ଲୁହାରେ ବନାଏ କତା, ଶାବଳ
କାଞ୍ଜି ପହଞ୍ଚିଲା ଦ୍ବିପ୍ରହର
କାଟ ପାଣିରେ ସେ ଝାଡ଼େ ନଜର
ଧାର କରେ ଛୁରୀ ପକାଇ ଶାଣ
ତାର ପଡ଼ିଶା ଶଶୀ କରଣ ।
ଶଶୀ କରଣର ବଢ଼ିଲା ଝିଅ
ପଖାଳ ଖାଉଛି ପକାଇ ଘିଅ
କାଞ୍ଜି ଦେଲା ଯାଇ ଭଲ ପ୍ରସ୍ତାବ
କରଣ କରିଲା ବନ୍ଧୁ ହିସାବ
କାଞ୍ଜି ରହିଗଲା ବାହାଘର ରେ
ଫେରିବ ଲାଗୁଛି ଚଉଠି ପରେ ।
କାଞ୍ଜି ପିଉଥିଲା କଷି ପଇଡ଼
ଘୋଳଦହି ଦେଲା ରଘୁ ଗଉଡ଼
ଅଗାଧୁଆ ପଶେ ଠାକୁର ଘରେ
କାଞ୍ଜି ଫେରି ଗଲା ବ୍ରାହ୍ମଣ ଘରେ
ଦେହକୁ ନେବନି ଦନେଇ ଅଜା
କାଞ୍ଜି ସାଥେ ମିଶି କରନ୍ତୁ ମଜା ।
