ଗୁରୁବାର ମହାଲକ୍ଷ୍ମୀ

ଆଜି ଗୁରୁବାର ମାଁ ଲକ୍ଷ୍ମୀ ହେବେ ପୂଜା

ନାନା କିସମର ଝୋଟି ଘର ହୋଇଛି ଯେ ସଜା ।

ଲକ୍ଷ୍ମୀ ପାଦ ପଡ଼ିଅଛି ଘର ଅଗଣାରେ 

ଫୁଲ ଦୀପ ସଜ। ହୋଇଛି ସାଥିରେ ।

ମାଗୋ ମହାଲକ୍ଷ୍ମୀ ଆଜି ହୋଇଥା ମା ସାହା

ତୋ ଦୟାର ବଳେ ସୁରକ୍ଷିତ ଥାଉ ବାହା ।

ସ୍ବାଗତ କରୁଛି ଘରେ ହୁଅ ପଦାର୍ପଣ

ତନ ମନ ଧ୍ୟାନ ପାଦେ କରିବି ସମର୍ପଣ ।

ମାଗୋ ତତେ ସେବିଥିଲା ଶ୍ରୀୟା ଚଣ୍ଡାଳୁଣୀ 

ଭକ୍ତିଭରେ ଠିଆ ହେଲୁ ତା ଘରେ ସବୁ ଜାଣି ।

ସବୁ ଜାଣି ରୋଷ ହେଲେ ଜଗା ବଡ଼ଭାଇ 

ତୋର କୋପାନଳେ ଦଗ୍ଧ ହେଲେ ଦୁଇଭାଇ ।

ଜଗା ବଳିଆ କୋପରେ ହେଲା କଥାସୁନା

ଶ୍ରୀମନ୍ଦିର ସବୁଦିନ ହେଲା ତତେ ମନା ।

ଭିକମାଗି ବାହାରିଲେ ଜଗତର ସାଇଁ 

 ହଟହଟା ହେଲେ ଦୁଇଭାଇ ଘରଘର ଯାଇ ।

ଜିତାପଟ ହେଲା ମାଗୋ ତୋର ହାତ ରନ୍ଧା ଖାଇ

ବଡ଼ଭାଇ ଆଦେଶରେ ପ୍ରଭୁ ଗଲେ ତାଙ୍କୁ ନେଇ ।

ମାଗୋ ମହାଲକ୍ଷ୍ମୀ ତତେ କରୁଛି ଗୁହାରି

ତୋର ପାଦପଦ୍ମେ ସଦା ମନ ଥାଉ ରହି ।

ତୋର ଶ୍ରୀଚରଣରେ ମାଗୋ ରହୁଥାଉ ମନ

ଆଜିର ପୂଜାରେ ମାଗୋ ହୁଅ ତୁ ପ୍ରସନ୍ନ।

ତୋର ଦୟା ବଳେ ଦାରିଦ୍ର୍ୟତା ହେଉ ଦୂର 

ଏ ଶରୀର ପଞ୍ଚପ୍ରାଣ ସବୁ ଅଟେ ତୋର ।