ଜୀବନର ସତ୍ୟ

ସୀତାଙ୍କ ରକ୍ଷାକର୍ତ୍ତା ଅଯୋଧ୍ୟାପତି ଶ୍ରୀରାମ କିନ୍ତୁ ନ ଥିଲେ ପାଖରେ ଯେବେ ହେଲା ସୀତାହରଣ,
ଦ୍ରୌପଦୀର ଗୋଟେ ନୁହଁ ଥିଲେ ପାଞ୍ଚପତି
କିନ୍ତୁ ନ ହେଲେ ସାହା ଯେବେ ହେଲା ଯେ ବସ୍ତ୍ରହରଣ ।

ଅଯୋଧ୍ୟା ଦଶରଥଙ୍କ ଥିଲେ ଚାରି ପୁତ୍ର
କିନ୍ତୁ ନ ଥିଲେ ପାଖରେ କେହି ମରଣ କାଳରେ, ଥିଲା ତ୍ରିପୁର ବିଜୟୀ ଲଙ୍କାପତି ଯେ ରାବଣ କିନ୍ତୁ ନ ଥିଲେ କେହି ଲଙ୍କା ଦହନ ସମୟରେ ।

ପ୍ରଭୁ ଶ୍ରୀ କୃଷ୍ଣ ଥିଲେ ଚକ୍ରଧାରୀ
କିନ୍ତୁ ନ ଥିଲେ ପାଖରେ କେହି ହେଲେ ଶରବିଦ୍ଧ,
ସପ୍ତରଥୀଙ୍କ ସମକକ୍ଷ ଅଭିମନ୍ୟୁ କୃଷ୍ଣଙ୍କ ଭଣଜା
କିନ୍ତୁ ନ ଥିଲେ ପାଖରେ କେହି ହେଲା ତାଙ୍କ ବଧ ।

ରାମଙ୍କ ଭାଇ ଲକ୍ଷ୍ମଣ ଥିଲେ ଅଦିତ୍ୱୀୟ ଯୋଦ୍ଧା କିନ୍ତୁ ନ ଥିଲେ କେହି ପ୍ରୟୋଗ ହେଲା ଶକ୍ତିବାଣ,
ଶରଶଯ୍ୟାରେ ଥିଲେ ପିତାମହ ଭୀଷ୍ମ
କିନ୍ତୁ ନ ଥିଲେ କେହି କରିବାକୁ ତାଙ୍କ ପୀଡାର ହରଣ ।

ଯୁଗେ ଯୁଗେ ଜୀବନର ଏହି ନିରାଟ ଯେ ସତ୍ୟ ଦୁନିଆଁରେ କେହି ନୁହେଁ ଯେ କାହାର,
ସେ ବିଶ୍ଵକରତା ଯାହା ଲେଖିଛି କପାଳେ ନିଶ୍ଚୟ ଫଳିବ, କେବଳ କର୍ମ ହିଁ ମନୁଷ୍ୟର।