ଗୁରୁ ଦିବସ

ଆସ କୁନା କୁନି ପୁପୁନୁ ଦିପୁନୁ

ଯେତେ ଅଛ ସାଙ୍ଗ ସାଥି 

ଧୂପ ଦୀପ ଧରି ବନ୍ଦାପନା କରି

ଗୁରୁଙ୍କୁ କରିବା ସ୍ମୃତି । 

ଗୁରୁଙ୍କ ପଥରେ ହେବା ଅନୁଗାମୀ

ଶୁଣି ତାଙ୍କ ହିତ ବାଣୀ 

ଦୟା କ୍ଷମା ଗୁଣ ଶୁଦ୍ଧ ଆଚରଣ

ଶିଖିବା ତାଙ୍କଠୁ ପୁଣି । 

ଆମ ପରି ଶିଶୁ ଆରୁଣୀ ଜାବାଳି 

ଏକଲବ୍ୟ ନଚିକେତା 

ଗୁରୁପୂଜା କରି ଉପମନ୍ୟୁ ପୁଣି

ହୋଇଲେ ଜଗତଜିତା । 

ତାଙ୍କରି ଆଶିଷେ ମୁର୍ଖ ହୁଏ ଜ୍ଞାନୀ

ଲଭେ ଜ୍ଞାନ ମାନ ଖ୍ୟାତି 

ତାଙ୍କ ସ୍ନେହ ଶ୍ରଦ୍ଧା କରୁଣା ହୋଇଲେ

ଅନ୍ଧାରେ ମିଳଇ ଜ୍ୟୋତି । 

ଆଜିପରି ଦିନେ ରାଧାକୃଷ୍ଣନଙ୍କ

କଥା ଭାରି ମନେ ପଡେ 

ତାଙ୍କରି ଅମର ଜନମ ତିଥିରେ

ଗୁରୁ ଦିବସଟି ପଡେ ।