ଗୁରୁଙ୍କ ଆଶିଷ ନେବା
ଗୁରୁଙ୍କ ଆଶିଷ ନେବା
ଆସ ସାଙ୍ଗ ସାଥି ଶରଣ ପଶିବା
ଗୁରୁଦେବଙ୍କର ଚରଣ ପୂଜିବା
ଅନ୍ତରେ ଭକତି ଆଣି
ଦୟା କ୍ଷମା ଗୁଣ ଶୁଦ୍ଧ ଆଚରଣ
ଶିଖିବା ତାଙ୍କଠୁ ପୁଣି ।
କହିବା ସବୁଠି ବିନୟ ବଚନ
ସେବା ପୂଣ୍ୟପଥେ ରଖି ଲୟ ମନ
ଥିଲେ ଆମେ ସତ୍ୟ ପଥେ
ଗୁରୁଙ୍କର ବାଣୀ ମାନି ଚଳୁଥିଲେ
କଣ୍ଟା ଫୁଟିବନି ପାଦେ ।
ଗୁରୁ ଆଶୀର୍ବାଦ ଥିବ ଯା' ମଥାରେ
ବିନୟ ଵଚନ ଥିବ ଯା' ତୁଣ୍ଡରେ
ବଡ ହେବ ସେହି ଜନ
ସାରା ଜଗତରେ ଯଶ ଅରଜିବ
ବଡ ହେଉ ଅବା ସାନ ।
ଆମେ ଦିନେ ଶିଶୁ ଆରୁଣୀ ଜାବାଳି
ସତ୍ୟକାମ ନଚିକେତା ଭୃଗୁ ଭଳି
ଶିଷ୍ୟ ଟିଏ ଯଦି ହେବା
ଗୁରୁ ପୂଜା କରି ଏକଲବ୍ୟ ପରି
ଗୁରୁଙ୍କୁ ପରୀକ୍ଷା ଦେବା ।
ଗୁରୁ ଦିବସରେ ଗୁରୁ ପୂଜା କରି
ଗୁରୁଙ୍କର ବାଣୀ ସଦା ଅନୁସରି
ଗୁରୁଙ୍କ ଆଶିଷ ନେବା
ଗୁରୁ ସର୍ବପଲ୍ଲୀ ରାଧାକୃଷ୍ଣନଙ୍କ
କଥା ମନେ ପକାଇବା ।