ଜଗତ ଜନନୀ

ଏଥର ହସିବ ମୋ ଦେଶର ଗାଆଁ

ସହର ବଜାର ଗଳି,

ବିବିଧ ରଙ୍ଗର ଆଲୋକ ମାଳାରେ

ସଂଜରେ ଉଠିବ ଜଳି ।

କରୋନାର ଡର ନାହିଁ ଆଉ ବେଶୀ

ମଣ୍ଡପ ହେଲାଣି ସଜା,

ଭେରୀ, ତୁରୀ,ଶଙ୍ଖ,ଢୋଲ,ମହୁରୀରେ

ବାଜିବ ତେଲିଙ୍ଗି ବାଜା ।

ଆସୁଛନ୍ତି ମାଆ ଜଗତ ଜନନୀ

ମରତ ହେଲାଣି ସଜ,

ସବୁଜ ରଙ୍ଗର ପାଟ ଓଢଣୀରେ

ମୁହଁ ଦିଶେ ଲାଜ ଲାଜ ।

ପବନ ଦୋଳିରେ କାଶଫୁଲ ଝୁଲେ

ଘାସ ପତରରେ ମୋତି,

କିଏ ବୁଣିଦେଲା ଏମିତି ବଣିକ

ନ ପାହୁଣୁ ଆଜି ରାତି ।

ହେନା,ଜୁଇ,ଯାଇ ସଜ ହୋଇଲେଣି

ଶେଫାଳୀ ଗଲାଣି ଝରି,

ପ୍ରଭାତରୁ ଉଠି ଡାକି ଲାଣି କାକ

ଉଠ ଉଠ ନର ନାରୀ ।

ଦୁର୍ଗତନାସିନୀ,ଶକ୍ତି ପ୍ରଦାୟିନୀ

ଆଶିଷ କଳସ ଧରି,

ମରତ ମାଟିର ପ୍ରାଣୀ ଜଗତର           କୁ

ଦୁଃଖ ନେବେ ସବୁ ହରି ।