ଗୁରୁବନ୍ଦନା

 ତୁମେ ଆଦ୍ୟଗୁରୁ    ତୁମେ ମହାମେରୁ  

    ଘେନ ମୋର ଏ ପ୍ରଣତି ।

 ତୁମେ ବିଦ୍ୟାଗୁରୁ     ତୁମେ ଜ୍ଞାନ ଗୁରୁ

    ମୁ ଶିଶୁ ଅଜ୍ଞାନ ମତି ।।

 ଅନ୍ତରେ ମୋହର     ଜାଳିଦିଅ ପ୍ରଭୁ 

    ତବ ଦିବ୍ୟ ଜ୍ୟୋତି ଶିଖା ।

ଆଲୋକିତ ହେଉ    ଏ ଜୀବନ ମୋର

    ମାଗୁଛି ମୁ ଏହି ଭିକ୍ଷା ।।

 ତୁମରି ସ୍ୱରୂପ     ଗୁରୁଙ୍କ ଦେହରେ

     ଦେଖୁ ସଦା ମୋ ନୟନ। 

ଗୁରୁଙ୍କ ଚରଣ  

Advertisement

;    ସେବା ତତ୍ପର 

    ହେଉ ମୋ କ୍ଷୁଦ୍ର ଜୀବନ।।

ଗୁରୁ ପିତାମାତା     ଗୁରୁ ବିଦ୍ୟାଦାତା

     ଗୁରୁ ତତ୍ତ୍ୱଜ୍ଞାନ ଦାତା ।  

ଗୁରୁଙ୍କ ଆଦେଶ     ପାଳିବାକୁ ଶକ୍ତି  

     ଦିଅ ମୋତେ ବିଶ୍ୱ ପିତା ।।

ସତ୍ୟ ଶାନ୍ତି ପଥେ    ନିର୍ଲୋଭ ନିଃସ୍ୱାର୍ଥେ 

      ହେବି ମୁହିଁ କର୍ମରତ ।

ବିଶ୍ୱ ସେବା ଧର୍ମ     ମାନବ କଲ୍ୟାଣ 

     ହେଉ ମୋ ଜୀବନ ବ୍ରତ ।।