ପୂଣ୍ଯବାରି

ଝିପିଝିପି ତୋର ବାରି ବରଷେ 

ଖିଲି ଖିଲି ଆହା ଶ୍ରାବଣ ହସେ 

କି ମନ ଲୋଭା ସେ ଚାରୁ ଧରିତ୍ରୀ 

ତୃପ୍ତି ଲାଭ ତୋର ସାଧୁପରଶେ ।

ସାଧବ ବୋହୁର ସିନ୍ଦୁରା ଖେଳ 

ପୂରୁବର ରବି ଶୁଭ ସକାଳ 

ତୋର ଆଗମନ ସତେ ପୂଣ୍ଯତୋୟ ସମ

ତୋ ବିହୁନେ ଧରାରେ ମହା ଅକାଳ। 

କ୍ଷେତେ ଚଷା ପୁଅ ଭୁଜର ବୁଣା 

ଶାଗୁଆ ପକ୍ଷୀ ଯେ ଝାଡଇ ଡେଣା 

ଗ୍ରାମଦେବୀ ଆଜି ଉତ୍ସବ ଆସରେ

ପୁରି ଉଠେ ପଲ୍ଲୀ ଘର ଅଗଣା ।

ଜୀମୂତ ସମ୍ଭାରେ ନାଚେ କୁକୁଟ

ଧରଣୀ ମଥାରେ ଶୋଭା ମୂକୁଟ 

ଜୀବଜନ୍ତୁ ଯକ୍ଷ, ବୃକ୍ଷ ନର ଆଦି

ଆନନ୍ଦ ଉଲ୍ଲାସେ କରନ୍ତି ନାଟ ।