ଶିଶୁକବିତା

  ଆମେ ସବୁ ଜହ୍ନ ଆଉ ତାରା              

              ଆମେ ସବୁ ମୁକୁତା ଓ ହୀରା

 ଆମେ ସଭିଏଁ ଏକ ମେଳ

              ମିଳିମିଶି ଆମେ କରିବୁ ଖେଳ 

  ହସି ହସି ଆମେ ହସାଇ ଦେବା ଦୁନିଆଟା ସାରା 

               ଆମେ ସବୁ ଜହ୍ନ ଆଉ ତାରା ।   

  ଦୂର ପାହାଡ ସୁନ୍ଦର ଦିଶେ

               ଝରଣା ନଈ ସାଗରେ ମିଶେ 

  ସବୁରି ପାଇଁ ଆମ ଜୀବନ ଅମୃତର ଧାରା

              ଆମେ ସବୁ ଜହ୍ନ ଆଉ ତାରା । 

  ଆମରି ଶିଶୁ ମନ କୋମଳ

              ଆମେ ତ କେବେ ନୋହୁ ଦୁର୍ବଳ 

  ଦେଶ ସେବାରେ କଟାଇ ଦେବା ଜିବନଟା ସାରା 

              ଆମେ ସବୁ ଜହ୍ନ ଆଉ ତାରା ।

  ଅଳସ  ଛାଡି ଲାଗିବା କାମେ      

              ଗାଇବା ଗୀତ ସତ୍ୟର ନାମେ

  ପୁରୁଣା ଛାଡି ଗଢିବା ଆମେ ନୂଆ ଜୀବନ ଧାରା

            ଆମେ ସବୁ ଜହ୍ନ ଆଉ ତାରା ।