ଗରିବର ସ୍ୱପ୍ନ

ଗରିବ ପେଟରେ ସିନା

ଭୋକର ତାତି

ଆଖି ପଲକରେ ଅଛି

ନିଝୁମ ରାତି

ଗୀତ ଅଛି ମିତ ବି ଅଛି

ପ୍ରେମ ଅଛି ବିଶ୍ୱାସ ଅଛି

ମେଞ୍ଚା ମେଞ୍ଚା ସ୍ୱପ୍ନ ଅଛି ।।

ଆକାଶ ଛୁଇଁବାକୁ

ପାଦ ଚଳ ଚଞ୍ଚଳ

କିନ୍ତୁ ସାଗର ପରି

ଲହଡି ମାରୁଥିବା

ଗରୀବର ସ୍ୱପ୍ନ

ଅଟକି ଯାଏ

ତାର ଚିର ପରିଚିତ

ପଖାଳ କଂସାରେ ।।

ଭୋକିଲା ପେଟ ସୁଖିଲା ଓଠ

ଲୁହଭରା ଆଖିରେ

ସ୍ୱପ୍ନ ସାଉଁଟିବାକୁ ଇଛାକଲେ

ସବୁ ଅସଜଡା ସ୍ୱପ୍ନ

ଖିନଭିନ ହୋଇଯାଏ

ମରୁଡିର ଝାସରେ

ବନ୍ୟାର ଢେଉରେ ।।

ଗରିବର ଜୀବନ

ଦୁଃଖ ଯାତନାର ହିମାଳୟ

ଦୁଃଖର ତୁଷାର

ଯାଏ ତରଳି ହୁଏନି କ୍ଷୟ

ଆଖିର ଲୁହ

ଗଙ୍ଗା ଯମୁନାର ଧାର

ବହିଚାଲେ ନିରନ୍ତର ।।

ଅସଜଡା ସ୍ୱପ୍ନ

ସଜାଡି ନପାରିଲେବି

ମନରେ ନଥାଏ ଅବଶୋଷ

ଲେଖିବସେ ନିତି

ଲୁହର କାଳିରେ

ନିଜର ନୂଆ ପରିଚୟ ।।