ଗଣେଶ ଚତୁର୍ଥୀ
ଗଣେଶ ଚତୁର୍ଥୀ
ପାର୍ବତୀ ନନ୍ଦନ ପ୍ରଭୁ ଗଜାନନ
ଅଙ୍ଗମଳି ତୁମ ଜାତ
ବିଦ୍ୟାଦାତା ପୁଣି ଶ୍ରୀ ଗଣେଶ ନାମେ
ଜଗତେ ହେଲ ବିଖ୍ୟାତ ।।
ପିତା ମହେଶ୍ୱର ବୁଦ୍ଧିର ପରୀକ୍ଷା
ଆୟୋଜନ ରଚିଥିଲେ
ଚାରି ତୀର୍ଥଧାମ ଘୁରି ଆସିବାକୁ
ଅନୁମତି ପ୍ରକାଶିଲେ ।।
ତୁମେ ବିଦ୍ୟାଦାତା ମୂଷିକ ପୃଷ୍ଠରେ
ଚତୁର୍ପାଶେ ତାଙ୍କ ବୁଲି
ଚାରି ତୀର୍ଥଧାମ ଶ୍ରୀ ଚରଣେ କହି
ଜ୍ଞାନ ବାରିଦେଲ ଖୋଲି ।।
ହେ ଗଜାନନ ବିଶ୍ଵ ବନ୍ଦନ ହେ
ଅଟ ହେ ବିଘ୍ନ ନାଶନ
ତୁମ ଆଶୀର୍ବାଦେ ମୂର୍ଖ ପାଖେ ପୁଣି
ଭରି ହୁଏ ଦିବ୍ୟଜ୍ଞାନ ।।
ପିତା ଉମାପତି ବୁଦ୍ଧି ତୁମ ଦେଖି
ଢାଳିଦେଲେ ଆଶୀର୍ବାଦ
ସର୍ବ ପୂଜା ଅଗ୍ରେ ପୂଜିତ ହୋଇଲ
ଅଗ୍ର ପୂଜ୍ୟ ତୁମେ ନାଥ ।।
ଆହେ ଲମ୍ବୋଦର ଶ୍ରୀ ଚରଣ ତଳେ
ଏତିକି ମୋହର ଅଳି
କୃପାବାରି ତୁମ ଢାଳିଦିଅ ପ୍ରଭୁ
ଲେଖୁଥିବି ନାମାବଳି ।।