ଫର ଫର ହୋଇ ତ୍ରିରଙ୍ଗା ଉଡ଼େ

ପ୍ରତି ଦିବସରେ କର୍ମ କରିବାକୁ

ଯିଏ ଡାକେ ପ୍ରଭାତରେ

ସେହି ଅଟେ ମୋର ଭାରତର ମାଆ

ମଥାନତ ସଦା କରେ ।

ଭାଦ୍ରବ ଆକାଶେ ତ୍ରିରଙ୍ଗା ଉଡୁଛି

ଫର ଫର ଧ୍ଵନି ଦେଇ

ସ୍ୱାଧୀନତା ମନ୍ତ୍ର ଦୀପ୍ତିମନ୍ତ କରେ

ଦେଶ ପ୍ରେମ ଗୀତ ଗାଇ ।

ସ୍ମୃତିରାଶି ସବୁ ସାଇତି ରଖିଛି

ଭବିଷ୍ୟତ ଦିନ ପାଇଁ

ଅଗଷ୍ଟ ପନ୍ଦର ଆହ୍ବାନ କରୁଛି

ଏକତ୍ଵ ଭାବନା ନେଇ ।

ସିନ୍ଦୁରି ଅଭାରେ ନଭ ମଣ୍ଡଳରେ

ତ୍ରିରଙ୍ଗା ଜାଜ୍ଵଲ୍ୟ ଦିଶେ

ଦେହ ମନ ପ୍ରାଣ ଏକାକାର ହୋଇ

ତାହା ଆଦର୍ଶରେ ମିଶେ ।

କେତେ ଶହୀଦଙ୍କ ତ୍ୟାଗ ତୀତିକ୍ଷାରେ

ଏ ଦେଶ ସ୍ୱାଧୀନ ହେଲା

ସ୍ମୃତିର ଉହାଡେ ଆଜି ବଞ୍ଚିଅଛି

ତାଙ୍କରି ଅଦମ୍ୟ ଲୀଳା ।

ଛଅସ୍ତରି ଯାଇ ସତସ୍ତରି ହେଲା

ସ୍ବାଧିନ ଭାରତ ବର୍ଷ

ଇଂରେଜ ଶାସନ ମୁକ୍ତ ଦେଇଅଛି

ଶାନ୍ତିରେ ମାରୁ ନିଃଶ୍ୱାସ ।

ଫର ଫର ହୋଇ ତ୍ରିରଙ୍ଗା ଉଡୁଛି

ଶାନ୍ତି ମୈତ୍ରୀ ଭାବ ନେଇ

ଲୁହ ଲହୁ କେତେ ସାଇତି ରଖିଛି

ପ୍ରେମ ସଂଜୀବନୀ ଦେଇ ।

ଏ ପବିତ୍ର ଦିନେ ଶପଥ ନେବାରେ

ଦେଶ ମାତୃକାର ପାଇଁ

ରଖିବା ସମ୍ମାନ ଏ ମାଟି ମାଆର

ସ୍ୱାଧୀନତା ମୂଲ୍ୟ ଦେଇ ।