କନ୍ୟା ଟିଏ ପରା ଘରକୁ ଲକ୍ଷ୍ମୀ
କନ୍ୟା ଟିଏ ପରା ଘରକୁ ଲକ୍ଷ୍ମୀ
କନ୍ୟାଟିଏ ଆମ ଘରପାଇଁ ଲକ୍ଷ୍ମୀ
ଦୁଇ କୁଳ ହିତ କରେ,
ସ୍ନେହ ବୋଳା ତାର ମଧୁର କଥା ରେ
ସଭିଙ୍କ ଦୁଃଖକୁ ହରେ l
ତାହାରି ପାଇଁତ ଘରଟି ଆମର
ଲାଗଇ ସରଗ ପୁରୀ,
ଲକ୍ଷ୍ମୀ ସରସ୍ବତୀ ଗାୟତ୍ରୀ ସାବିତ୍ରୀ
ରୂପ ସଭିଙ୍କର ଧରି l
ଯତନରେ ତାକୁ ବଢାଇବା ଯଦି
ହେବ ଗୁଣ ବିକଶିତ,
ସୁଗୁଣେ ତାହାରି ସାରା ଜଗତଟି
ହୋଇଯିବ ମହକିତ l
ଶିକ୍ଷା ହେଉ ଅବା ହେଉ ଖେଳ କୁଦ
ନୃତ୍ୟ ଗୀତ ଯେତେ କାମ,
ସବୁଥିରେ ଦିନେ ଭାଗ ନେଇସିଏ
ହୋଇଯିବ ପାରଙ୍ଗମ l
ଜାୟା ଜନନୀ ଓ ଭଗିନୀ ରୂପରେ
ଦିନେ ହୁଏ ଅବତୀର୍ଣ୍ଣ,
ସ୍ନେହ ପ୍ରେମ ଦେଇ ସଂସାର ଗଢ଼ଇ
ସବୁ ରୂପେ ମହୀୟାନ l
ଆଜି ଏହିବିଶ୍ୱ କନ୍ୟା ଦିବସରେ
ଆସରେ ଶପଥ ନେବା,
କନ୍ୟା ଶିଶୁ ଙ୍କୁ ଯତନ କରିଣ
ଆମ୍ଭେ ସର୍ବେ ବଢାଇବା ll