ଗିରିକନ୍ୟା

ନୀଳ ଝରଣା ଉଚ୍ଚ ପାହାଡୁ 

ଆସୁଛି ଝରି ଝରି

ସ୍ୱଚ୍ଛ ଜଳର ସୁନୀଳ ସ୍ରୋତ

ଦେଖାଏ ଶୋଭା ଶିରି

ଦିଶଇ ମନ ଲୋଭା

ଗିରି କନ୍ୟା ସେ ଖଣିଜ ମିଶା

ସେ ପରା ରତ୍ନ ଗର୍ଭା ll

ଆମ ରାଇଜ ଏଇ ଓଡ଼ିଶା

ପାହାଡ଼ ନଈ ଘେରା

କେତେ ଝରଣା ପ୍ରସିଦ୍ଧ ପୁଣି

ପ୍ରପାତ ନାମେ ପରା

ସବୁଜ ଶୋଭା ଘେରା

ବଣଭୋଜିର ପ୍ରିୟ ସ୍ଥାନ ସେ

ଛବି ତା ଅପାସୋରା ll

ସପ୍ତଶଯ୍ୟା କି କପିଳାସ ସେ 

ଅବା ବରେହିପାଣି

ଦେବକୁଣ୍ଡ କି ପ୍ରଧାନପାଟ

ଅପୂର୍ବ ତାର ଠାଣି

ଦେଖି ସୌନ୍ଦର୍ଯ୍ୟ ଝୁଲି 

କର୍ମ ଜଂଜାଳୁ ଦୂରେଇ ଯାଇ

ଘେରାଏ ଯିବା ବୁଲି ll

ଅମୀୟ ଭରା ତାର ସୁଷମା 

ଦେଖାଏ କେତେ ଠାଣି

ଜନ ମନକୁ ମୋହିତ କରେ

ନିଏ ସେ ମନ କିଣି

ଦିବ୍ୟ ସୌନ୍ଦର୍ଯ୍ୟ ତାର

ଧନ୍ୟ ଲୋ ଧନ୍ୟ ଝରଣା ତୋର

ନାହିଁ ତ ପଟାନ୍ତର ll