"ଏ ଜୀବନ ଏକ ଅଙ୍କା ବଙ୍କା ନଈ "

ଏ ଜୀବନ ଏକ ଅଙ୍କା ବଙ୍କା ନଈ 

ସୁଖ-ଦୁଃଖ, ହସ-କାନ୍ଦ ଭରା 

ଏ ଚଲାପଥରେ 

କେବେ ଆସେ ଖରା କେବେ ପୁଣି ଛାଇ l

ହସର ମୁରୁଜ ବୁଣି 

ନାଚି ଉଠେ ଏ ଜୀବନ 

ପାଇ କେତେ ଖୁସିର ସରାଗ 

କାହିଁକି କେଜାଣି ପୁଣି 

ଘୋଟି ଆସେ ଏ ଜୀବନେ 

ଲୁହ ଭରା ଦୁଃଖର ପରାଗ !

ସ୍ୱପ୍ନର ସଉଧ ଗଢେ 

ମନେ ବାନ୍ଧି କେତେ ଆଶା 

ସମୟତ ସହେ ନାହିଁ 

ଦାଉ ସାଧି ଭାଙ୍ଗେ ବସା l

ଚିହ୍ନା ମୁହଁ ସବୁ ଏଠି

କାଇଁ ହେଇଯାନ୍ତି ପର 

ଅଚିହ୍ନା ମଣିଷ ହୁଏ 

ପୁଣି ଅତି ଆପଣାର l

ଚିହ୍ନା ଅଚିହ୍ନା ଗଳିରେ 

ପୁଣି ହୁଏ ବାଟବଣା 

ଅଚିହ୍ନା ତ ଦିଏ ଧୋକା 

ଚିହ୍ନା ନଥାଏତ ଜଣା l

ବିଶ୍ୱାସର ଚୋରାବାଲି 

ଲୁଚି ଦେଇଦିଏ ଧୋକା 

ଭରସାର ମୋହ ଭାଙ୍ଗି 

ପୁଣି ଚାଲେ ଏକା ଏକା l

ସ୍ୱାର୍ଥର ମୋହରେ ପଡି 

ଭୁଲିଯାଏ ଏ ଜୀବନ 

ସମ୍ପର୍କର ମାନେ ସବୁ 

ପାଲଟଇ ମୂଲ୍ୟହୀନ l

ଏ ଜୀବନ ନିଃଶ୍ବାସକୁ 

କେବେ ନାହିଁତ ଭରସା

ଏଇନେ ହସର ଫୁଆରା 

ପୁଣି 

ଏଇନେ ଲୁହର ବରଷା l