ଦୀପ

ସଞ୍ଜକୁ ମା ଚଉରା ମୂଳେ

ଦିଅନ୍ତି ସଞ୍ଜବତୀ

ପ୍ରଣାମ କରି କୁହନ୍ତି ମନେ

ମଙ୍ଗଳ ହେଉ ଗତି।

ମୋ ପରିବାର ସୁଖରେ ରହୁ

ପୁଅଝିଅ ଙ୍କ ହିତ

ବୃନ୍ଦାବତୀ ଦିଅ ସୁବୁଦ୍ଧି

ରଖିଥା ହୋଇ ମିତ।

ସଞ୍ଜ ସକାଳେ ପିତାମାତାଙ୍କୁ

ପ୍ରଣତି କରି ଆମେ

ଦିନଟିଯାକ ହୁଅଇ ଶୁଭ

ଥିଲେଟି ଯେଉଁ କାମେ।

ବାପା ମାଆ ଙ୍କ ଆଶିଷ ଲାଭ

ସନ୍ତାନ ପାଇଁ ହିତ

ଫିଟଇ ବାଟ ପଢ଼ଇ ପାଠ

ଭକତି ଭରା ଚିତ।

ବତାନ୍ତି ଗୁରୁ ସାହିତ୍ୟ ଅଙ୍କ

ବିଜ୍ଞାନ ଇତିହାସ

ସରଳ ମତି ପରିଟି ବତୀ

ହୁଅଇ ପରକାଶ ।

ବତୀ ରୁ ବତୀ ଜଳେଇ କତି

ଅନ୍ଧାର ଦେଉ ଜାଳି

ଆଲୋକ ଶିଖା ପରିକା ଗୁରୁ

ପ୍ରଦୀପ ପୂଜା ଥାଳି ।