ଚିଠି

ହାଣ୍ଡିଶାଳ ର ଚୁଲିମୁଣ୍ଡରେ

ଅଧାଜଳା କାଠଖଣ୍ଡିକୁ

ଆନମନା ହୋଇ କେଂଚୁଥାଏ,

କାନ ଟାକିଥାଏ 

ସାଇକେଲ ର ଟିନ୍ ଟିନ୍ ଘଣ୍ଟି ର ଲହରୀ

ସତେକି ଆଶା ଭରସା ର ଶୀତଳ ଝରଟିଏ

ଆତୁର ଅପେକ୍ଷା...

କାହାର ???

ଚିଠି !!!

ଧାଇଁଯାଏ ଦାଣ୍ଡଦୁଆରକୁ

ଓଳିଆ ତଳେ ବହଳେ ଓଢଣା ତଳୁ

ହରିଣୀ ଆଖିଦୁଇ  

ପହଁରିଯାଏ ଡାକବାଲାର ଯିବାରାସ୍ତାରେ

ଦୀର୍ଘଶ୍ବାସର ବେଦରଦୀ ତାନ

ଛୁଇଁଯାଏ ବୁଢା ଡାକବାଲାର ଦରଦୀହୃଦୟ

ହାତଠାରି ଭରସିଯାଏ

ଆସିବ, ଆଜି ନୁହେଁ ତ କାଲି

ସୀମାନ୍ତରୁ ଚିଠି ତୋ ପ୍ରିୟର ।