ଅଭିନୟ

ଜୀବନଟା ସାରା ରଂଗମଞ୍ଚ ପରେ

କଲି କେତେ ଅଭିନୟ,

ଆଜି ମୋର ଖାଲି ଅଭିନେତା ବୋଲି

ରହିଅଛି ପରିଚୟ ା

ମାୟା ପୁରୀର ସେ ମାୟା ନ ଜାଣି,

ମାୟାବିନୀ ସାଜିଥିଲି,

ଭଲ ପାଇବାର ଛଳନା କରି ମୁଁ

ପ୍ରେମିକାଟେ ସାଜିଥିଲି ା

ଆଜି ପୁଣି ମୋର ସେ ଅଭିନୟର

ହେଲା ଖାଲି ଅପଚୟ,

ପାଇଲିନି କିଛି ଫଳ ମୁଁ ଜୀବନେ,

କରିଗଲି ଅଭିନୟ ା

ବଂଚି ରହି ମୁଁ ମରିବାର କଲି

କେତେ ଯେ ମିଛ ବାହାନା,

ଭଲ ନ ପାଇ ବି ଭଲ ପାଇବାର 

କଲି କେତେ ମୁଁ ଛଳନା ା

ଆଜି ମୁଁ କ୍ଳାନ୍ତ ,ଆଜି ହେଉ ମୋର

ଶେଷ ଏଇ ଅଭିନୟ,

ଅଭିନେତା ଥିଲି ମଂଚ ପରେ ଦିନେ

ରହୁ ଏଇ ପରିଚୟ ।