ପ୍ରେମ ଓ ପ୍ରେମିକା
ପ୍ରେମ ଓ ପ୍ରେମିକା
1 min
362
ତୁମେ ମୋ ପ୍ରେମ ମୁଁ ତୁମ ପ୍ରେମିକା
ତୁମେ ମୋ ଛାଇ ମୁଁ ଯେ ପ୍ରହେଳିକା।
ତୁମେ ଯେ ସାଗର ମୁଁ ତଟିନୀ ର ଧାରା, ତୁମେଦେହେ ମିଶିବାକୁ ବହେ ଦିନ ସାରା।
ତୁମେ ମୋ ଚନ୍ଦ୍ର ମୁଁ ତୁମର ଯୋଛନା,
କଇଁଫୁଲ ହେଇ କରେ ପ୍ରେମ ର କାମନା।
କୋକିଳ ଯେ ତୁମେ, ହେଲେ ମୁଁ ତୁମର ସୁର,
ତୁମେ ତ ଆକାଶ ଆଉ ମୁଁ ତାରା ଫୁଲ।
ମୁଁ ଅଟେ ସଜଫୁଲ,ତୁମେ ତ ଭ୍ରମର,
ତୁମ ଆଗମନ ପାଇଁ ମନ ମୋ ଆକୁଳ।
ମୁଁ ତୁମ ବରଷା, ଯଦି ତୁମେ ମେଘ ହୁଅ। ତୁମେ ମୋର ଆଖି ଆଉ ମୁଁ ତାର ଲୁହ।
ପ୍ରେମ ଓ ପ୍ରେମିକା ଙ୍କ ସମ୍ପର୍କ ଅଟଇ ମଧୁର,
ଯୁଗ ଯୁଗ ଧରି ତାଙ୍କ କାହାଣୀ ଅମର।