Click here to enter the darkness of a criminal mind. Use Coupon Code "GMSM100" & get Rs.100 OFF
Click here to enter the darkness of a criminal mind. Use Coupon Code "GMSM100" & get Rs.100 OFF

ABADHOOT PANDA

Fantasy Others


4  

ABADHOOT PANDA

Fantasy Others


ଦ୍ଵାବିଂଶ ଶତାବ୍ଦୀୟ ଜଣାଣ

ଦ୍ଵାବିଂଶ ଶତାବ୍ଦୀୟ ଜଣାଣ

2 mins 301 2 mins 301


ପୁରୁଣା ବରଷ ନେଉଛି ମେଲାଣି ନୂଆକୁ ଡାକୁଛି ହାତ ଠାରି,

କୋଳେଇ ନିଅହେ ଧରଣୀବାସୀଙ୍କୁ ଝରାଇ ଆଖିରୁ ଆନନ୍ଦବାରି ।


ମାଗୁନାହୁଁ ତୁମକୁ ଧନ ଜନ କିଛି ମାଗୁଛୁ କେବଳ ସ୍ୱାସ୍ଥ୍ୟ ସମୃଦ୍ଧି 

ସତ୍ୟ ଶାନ୍ତି ଦୟା କ୍ଷମାର ରାଜୁତି ସାମାଜିକ ଚଳଣି ସୁବୁଦ୍ଧି l


ଆତତାୟୀ ପରି ଜୀଇବାକୁ ଆମକୁ କେବେ କରନାହିଁ ବାଧ୍ୟ

ସମାଜ କଲ୍ୟାଣେ ବ୍ରତୀ କର ଆମକୁ ସାଧିବାକୁ ଅସାଧ୍ୟ ସାଧ୍ୟ l


ସାହାଯ୍ୟ କର ଆମକୁ ଲୋପ କରିବାକୁ ବିଶ୍ୟୁ ଅରାଜକତା

ସୁଶୃଙ୍ଖଳ ସମାଜ ଗଠନେ ପ୍ରଦର୍ଶନ କରୁ ଛାଡ଼ି ଆମ ଭୀରୁତାl


ଭାରତମାତା ଆଜି ଖୋଜୁଛି ତାର ଏକ ଯୋଗ୍ୟ ବିପ୍ଲବୀ ସନ୍ତାନ 

ସ୍ଥାପିବାକୁ ସାମ୍ୟବାଦ ଉପମହାଦେଶେ ନାଶି ଅନୀତି ଚିରନ୍ତନ l


ଘରେ ବାହାରେ ସର୍ବତ୍ର ଶୁଭୁଛି ବିକଟ ଚିତ୍କାର କାଳଭୈରବର l

ନାରୀ ଆର୍ତ୍ତ ଚିତ୍କାରେ କମ୍ପୁଛି ମେଦିନୀ ଗଡ଼ୁଛି ଉଲଗ୍ନ କଳେବର  


ବିଗତ ବର୍ଷର ଦୈବୀ ଦୁର୍ବିପାକ ଅଶୁଭ ଘଟଣା କରିଦିଅ ଲୁପ୍ତ

ନୂଆବର୍ଷରେ ଶାଶ୍ୱତ ଚେତନା କରୁ ଆମକୁ ସଦା ଅପକର୍ମ ମୁକ୍ତ ।


ଆଧ୍ୟାତ୍ମିକ ଚେତନା ନିର୍ମଳ ମାନସିକତା ଆସୁ ଜନ ମନ ପ୍ରାଣେ  

ଧରାପୃଷ୍ଠେ ଲୋଟୁ ଶସ୍ୟଶ୍ୟାମଳବିଛଣା ବିଧୌତ ଶଶୀ କିରଣେ ।


ରାଜନୀତି କ୍ଷେତ୍ରେ ଆସୁ ମାନବୀୟ ସଂସ୍କାର ହଟୁ ଭ୍ରଷ୍ଟାଚାର l

ରମଣ କରନ୍ତୁ କାମୁକ ନରେ ସଦା ଲୋଡ଼ି ସ୍ବେଚ୍ଛାରମଣୀମଣିର ।


ତନୁଜୀଵୀଗଣ ପେଟବିକଳେ ଲୋଟିଚାଲିଛନ୍ତି ପରନର କୋଳେ

ବିକଳ୍ପ ଜୀବିକା ଲଭନ୍ତୁ ସେମାନେ ବଞ୍ଚି ସଦାନାରୀ ମର୍ଯ୍ୟାଦାରେ ।



କର୍ତ୍ତୃପକ୍ଷ ହୁଅନ୍ତୁ ସଦୟ ହଟାଇ ଦେଶରୁ ସଦା ଯୌନ କଟକଣା

ହୋଇଯାନ୍ତୁ ସଦା କଳଙ୍କମୁକ୍ତ ପତି ଅତ୍ୟାଚାରୁ ସର୍ବ ସୁଗୃହଙ୍ଗନା ।


ଶିଖନ୍ତୁ ପ୍ରେମର ପ୍ରକୃତ ସଂଜ୍ଞା ଆମ ଆଧୁନିକପନ୍ଥୀ ଯୁବଗୋଷ୍ଠୀ

ଶିକ୍ଷିତ ଆଧୁନିକ କୁମାରୀଏ ଜାଗି ରଖନ୍ତୁ ଅକ୍ଷତ କୌମାର୍ଯ୍ୟଗଣ୍ଠି ।


ଜିଦ୍ଦି କରନ୍ତୁ ଅଧୁନିକା ଯୁବତୀଗଣ ଶିଖିବାକୁ ଜୁଡୋକରାଟୀ,

ନାରୀର ପ୍ରାର୍ଥନା ନିଶ୍ଚୟ ଶୁଣିବେ ଅବଳା ରକ୍ଷଣେ ପରମେଷ୍ଠି l


ଆହେ ଏକବିଂଶ ଶତାବ୍ଦୀ ବୁଝାଅ ଦ୍ଵାବିଂଶଙ୍କୁ ତୁମେ ଶତ ବାର,

ସମାଜ ସଂସ୍କାର ବ୍ରତ ପାଳନ୍ତୁ ସେ ଦୁଃଖ ହରି ଭାରତ ମାତାର l


ଆଉ ମାତ୍ର ଦୁଇ ଦିନ ଅଛି ବାକି ଆପୁଷି ଦାୟିତ୍ୱ ଦିଆ ନିଆର 

ଏ ମଧ୍ୟେ ସୁରୂପେ ବୁଝାଇ ଦିଅ ତାଙ୍କୁ କାର୍ଯ୍ୟନିର୍ଘଣ୍ଟ ଭବିଷ୍ୟତର ।


ପ୍ରାର୍ଥନା ଏତିକି ଆମର ହେ ଏକବିଂଶ କର ଟିକେ କର୍ଣ୍ଣାଗୋଚର

ଶାନ୍ତି ସୁଖ ଐକ୍ୟ ପ୍ରତିଷ୍ଠା ପୂର୍ବକ ବୃଦ୍ଧିପ୍ରାପ୍ତ ହେଉ ମାନବିକତାର ।।


Rate this content
Log in

More oriya poem from ABADHOOT PANDA

Similar oriya poem from Fantasy