Revolutionize India's governance. Click now to secure 'Factory Resets of Governance Rules'—A business plan for a healthy and robust democracy, with a potential to reduce taxes.
Revolutionize India's governance. Click now to secure 'Factory Resets of Governance Rules'—A business plan for a healthy and robust democracy, with a potential to reduce taxes.

Satyanarayan Sahoo

Tragedy Inspirational

3  

Satyanarayan Sahoo

Tragedy Inspirational

ଛଳନାର ଜୟ ଜୟ ନୁହେଁ

ଛଳନାର ଜୟ ଜୟ ନୁହେଁ

1 min
114


ଛାଡ ଖାଇ ଦିନେ କଂସେଇ ଖାନାରେ

କଂସେଇ ସେ ଜଣେ ବାନ୍ଧି

ଛେଳି ଖାସି କେତେ ଛେଦିବା ନିମନ୍ତେ  

କରି ରଖି ଥିଲl ବନ୍ଦୀ ।


ଛାଡ଼ୁଥିଲେ ସେହୁ ନିତି ମୁର୍ହୂ ମୁର୍ହୂ

ମେଇଁ ମେ ଏଁ ଯେ ବୋବାଳି

ଛକି ରହି ଥିଲେ ଛଳନାକlରୀଏ

 ମାଂସ କିଣି ନେବେ ବୋଲି ।


ଛଳନାରେ ମୁଖେ ଡାଳ ପତ୍ର କେତେ

ଖୁଆଉ ଥିଲେ ସେ ଛଳି

ଛନ୍ଦ କୂଟ ଆଉ କପଟ ରଚନା

କରି ଦେଉଥିଲେ ଗାଳି ।


ଛେଳି ଏ ନୀରିହ ଛଳନା ନ ଜାଣି

ବୃଥା ହେବେ ପ୍ରାଣେ ହତ

ଛାଡ ଖାଇ ଆଜି ପବିତ୍ର ଉତ୍ସାହ

ଦେଖିଲେ ଲାଗେ ଚକିତ ।


ଛଟ ପଟ ହୋଇ ତେଜିବେ ପରାଣ

ଆହା କି କରୁଣ ଦୃଶ୍ୟ

ଛନ୍ଦ  କୂଟ ଆଉ କପଟେ ମଣିଷ

ମାରି କରିବ ମାଉଁସ ।


ଛନ ଛନ ମନ ପ୍ରାଣ ସଭିଙ୍କର

ଛନ୍ଦଣିରେ ବନ୍ଧା ପଡି

ଛଳାଇ ଛଳାଇ ଛେଳିଙ୍କୁ ଅନାଉ

ଥାଆନ୍ତି ଦେଖଣାହାରୀ ।


ଛାନିଆ ହୁଅନ୍ତି ମାଂସ କାଟି ନେବେ

ଖାଇବେ କରି ତର୍କlରୀ 

ଛlଲ ଛେଲି ଛେଲି କଂସେଇ ଛାଡ଼ଇ

ସରିଲା ସରିଲା ରଡି ।


ଛାତ୍ର କେତେ ଜଣ ସଙ୍ଗତେ ଗାନ୍ଧିଜୀ

ଦୂରରୁ ଦେଲେ ଅନାଇ

ଛଳ ଛଳ ହେଲା ନୟନ ଯୁଗଳ

ଛେଳି ଙ୍କ ବିକଳ ଚାହିଁ ।


ଛପି ଛପି ସେଠି ଯାଇ ସେ ପ୍ରବେଶି

କହିଲେ କଂସେଇ ପାଖେ

ଛେଳି ଙ୍କ ବିକଳ ସହି ପାରୁନି ମୁଁ

ମେ ଆଁ ମେ ଏଁ ରଡି ଡାକେ ।


ଛଟ ପଟ ହୁଏ ପରାଣ ମୋହାର 

ଛଳନା କର କିପାଇଁ

ଛଳନାର ଜୟ ଜୟ ନୁହେଁ କେବେ

ପ୍ରେମର ବିଜୟେ ଧାଇଁ ।


ଛେଳିଙ୍କ ବିକଳ ନିରେଖି ଅଥୟ

ଆସି ମୁଁ କହୁଛି ଭାଇ

ଛେଳି ଅଟେ ଜୀବ ତା ମଧ୍ୟେ ଈଶ୍ୱର

ଛନ୍ତି ବିରାଜିତ ରହି ।


ଛଳନାର ଜୟ ଜୟ ନୁହେଁ କେବେ

ପ୍ରେମ ହିଁ ପ୍ରକୃତ ଜୟ

ଛାଡ଼ି ଦେଲା ଛେଳି କ୍ରୋଧେ ରଡି କରି

ଘେନ ତୁମେ ଦୟାମୟ ।



Rate this content
Log in