ଛାଇ
ଛାଇ
ସଭିଏଁ କୁହନ୍ତି ଛାଇ ଅଟଇ ଚିରକାଳ ସାଥୀ
କେବେ ଯାଇଛ କି ଅନ୍ଧାରକୁ?
ଅନ୍ଧାରେ କଣ ଛାଇକୁ ତୁମେ ପାରିବ ରଖି?
ମନ ଯେତେବେଳେ ଦୁଃଖ ହୁଏ, ଭାଙ୍ଗିଯାଏ
ଖୋଜୁଥାଏ ଗୋଟେ ସାହାରାକୁ..
ଛାଇ କଣ କେବେ ସାନ୍ତ୍ଵନା ଦିଏ ଲୁହ ଦେଖି?
ବାଟରେ ଚାଲିଲା ବେଳେ ସେ ସାଥିରେ ଥାଏ
ଭୋକଶୋଷ ଯଦି ଲାଗିଲା କେବେ
ତାକୁ ମେଣ୍ଟାଇ ପାରେ କି ସେ ପେଟ ପରଖି?
ପ୍ରକୃତରେ କିଏ ଶତ୍ରୁ ଆଉ କିଏ ମିତ୍ର ଅଟେ
କିଏ କୁହେ ସତ କିଏ ମିଛ
ମଣିଷର ଛାଇ କୁ ଦେଖି ଜାଣି ପାରିବ କି?
ନିର୍ଦୋଷଟି ଯେବେ ସମାଜ ଆଗେ ଦଣ୍ଡିତ ହୁଏ
ସତ କୁ ଭୁଲ୍ ଦର୍ଶାଯାଇଥାଏ
ପ୍ରତ୍ୟକ୍ଷଦର୍ଶୀ ଛାଇ ଟି ସାକ୍ଷୀ ଦେଇପାରେ କି?
ବୃକ୍ଷ ର ଛାଇ ବାଟୋଇ ମାନଙ୍କୁ ଆଶ୍ରୟ ଦିଏ
ଟାଣ ଖରାରୁ ତ୍ରାହି ଦେଇଥାଏ
ମାନବ ଛାଇ କେବେ ଉପକାରରେ ଆସେ କି?