ଏଇ ମୋର ଛୋଟ ଗାଁ

 

ଏଇ ମୋର ଛୋଟ ଗାଁ ଟି,

ଅନେକ ସ୍ମୃତି ରଖିଛି ସାଉଁଟି 

ସବୁଜ ଶ୍ୟାମଳ ସୁଶୋଭିତ,

ଭାରି ମନଲୋଭା ଏ ଗାଁ ମାଟି ॥

ପାହାନ୍ତାରେ ଡାକ କୁକୁଡ଼ାର ଶୁଣି, 

ଉଠି ପଡେ଼ ଚାଷୀ ଭାଇ ଟି

ହଳ ଧରି ମାଡି ଚାଲେ କ୍ଷେତକୁ,

ଦୃଶ୍ୟ ଏପରି ମିଳେ କେଉଁଠି! 

କିଚିରିମିଚିରି ଶବ୍ଦ, ଚାଳଘର ଧୂଆଁ, 

ପୋଖରୀ ତୁଠ ର ସମଷ୍ଟି 

ଅରଣ୍ୟ ମଧ୍ୟେ ବିଦ୍ୟାଳୟ ଅଛି,

ଶୁଭେ ମନ୍ଦିରର ଘଣ୍ଟ ଘଣ୍ଟି ॥

କେତେ ମେଳା କେତେ ଯାନିଯାତ୍ରା,

ଦେଖିବାକୁ ମିଳଇ ଏଠି 

ଭାଇଚାରା ରେ ସମସ୍ତେ ବନ୍ଧା,

ସ୍ନେହ ଶ୍ରଦ୍ଧା ପାଇବ ସଭିଙ୍କଠି ॥