ଚାଲ ସଖି ଯିବା

 ଚାଲ ସଖି ଯିବା ନୀଳାଚଳ ଧାମ ଦେଖିବା ରଥ ଯାତରା ରଥେ ଅଧିଷ୍ଠିତ ଚତୁର୍ଦ୍ଧା ମୂରତି ଆହା କି ଦିଶନ୍ତି ତୋରା। କାଳିଆର ଡୋର ଲାଗିଛି ସଜନୀ ପବିତ୍ର ହୋଇବ ନେତ୍ର ଆର ବରଷ କୁ ଥିବା ବା ନ ଥିବା ସଂସାର ବଡ ବିଚିତ୍ର। ଜନ ସମୁଦ୍ରରେ ଲହଡ଼ି ଭାଙ୍ଗୁଛି ବଡ ଦାଣ୍ଡେ ତିନି ରଥ ଭଲରେ ଭଲରେ ଜୀବନ ବଞ୍ଚିବା ରଥ ସୂଚାଉଛି ପଥ। ଅତୀତ ହଜିଛି ବର୍ତ୍ତମାନ ଅଛି ଭବିଷ୍ୟତ ବହୁ ଦୂର ବର୍ତ୍ତମାନ ନେଇ ବଞ୍ଚିବା ଲୋ ସଖି ଶିଖାନ୍ତି କଳା ଠାକୁର। ସବୁରି ତୁଣ୍ଡରେ ଜଗନ୍ନାଥ ସ୍ଵାମୀ ଜଗତ ନିୟନ୍ତା ହରି ତାଙ୍କ ଯାତ ଦେଖି ଦୁଃଖ ଜଣାଇଲେ ସଂସାରୁ ହୋଇବା ପାରି।